/ Худованд ба сурат ва моли шумо нигоҳ намекунад, балки ба дилҳо ва амалҳои шумо менигарад

Худованд ба сурат ва моли шумо нигоҳ намекунад, балки ба дилҳо ва амалҳои шумо менигарад

Аз Абуҳурайра (Худованд аз ӯ розӣ бод) ривоят аст, ки мегӯяд: Паёмбар (Салому дуруди Аллоҳ бар ӯ бод) фармуданд: "Худованд ба сурат ва моли шумо нигоҳ намекунад, балки ба дилҳо ва амалҳои шумо менигарад".
رواه مسلم

Шарҳ

Паёмбар (Салому дуруди Аллоҳ бар ӯ бод) баён фармудаанд, ки Худованд ба ҷисм ва чеҳраи бандагон наменигарад, ки зишт аст ва ё зебо? Тани бузург дорад ва ё кӯчак? Солим аст ё носолим? Ба дорои онҳо наменигарад, ки зиёд аст ва ё кам? Худованд бандагонро бар асоси умури мазкур ва тафовуташон дар он бозхост ва муҳосаба намекунад, балки ба қалб ва андозаи сидқу ихлос ва тақво, ё аз рӯи худнамоӣ аст ё риё, менигарад. Ба амалҳои онон назар карда мешавад, ки нек ва дуруст аст ё фосид ва сипас бар асоси он ҷазо ва подош дода мешаванд.

Hadeeth benefits

  1. Эҳтимом додан ба ислоҳи қалб ва пок нигоҳ доштани он аз сифатҳои мазмума.
  2. Салоҳи дил аз ихлос ва салоҳи амалҳо аз пайравӣ ба Паёмбар (Салому дуруди Аллоҳ бар ӯ бод) бармеояд, ки ин ду мавриди назар ва эътибор назди Худованд ҳастанд.
  3. Инсон набояд ба мол, ҷамол, тан ва ва чизҳои дигаре аз мазоҳири дунё мағрур шавад.
  4. Ҳӯшдор аз фиреб хӯрдан ба шакли зоҳирӣ ва адами таваҷҷӯҳ бар ботин.