ఈ హదీథు ప్రవక్త సల్లల్లాహు అలైహి వసల్లం తన ప్రభువు నుండి ఉల్లేఖించినది, అటువంటి హదీథును ‘హదీథ్ అల్ ఖుద్సీ’ అని, లేక ‘దైవికమైన హదీథు’ అని పిలుస్తారు. హదీథ్ అల్ ఖుద్సీ లోని పదాలు మరియు దాని అర్థం అల్లాహ్ నుండి. అయితే హదీసుల్ ఖుద్సీ ఖుర్’ఆన్ యొక్క ప్రత్యేకతలను, ప్రత్యేక లక్షణాలను కలిగి ఉండదు – ఉదాహరణకు: ఖుర్’ఆన్ పఠించబడినట్లు హదీసుల్ ఖుద్సీని ఒక ఆరాధనగా పఠించడం, హదీసుల్ ఖుద్సీ పఠించుటకు ‘వుజూ’ తప్పనిసరిగా చేయడం, హదీసుల్ ఖుద్సీని ఒక సవాలుగా అవిశ్వాసులకు ప్రదర్శించడం, మరియు దానిని ఒక అద్భుతంగా ప్రదర్శించడం లాంటివి ఉండవు.

ఈ హదీసులో అల్లాహ్ యొక్క ‘వలీ’లకు హాని కలిగించడం నిషేధించబడినది. వారిని ప్రేమించడం, గౌరవించడం మరియు వారి ఘనతను, యోగ్యతను గుర్తించడం ప్రోత్సహించబడింది.

అల్లాహ్ యొక్క శత్రువుల పట్ల శత్రుత్వం చూపమని ఆజ్ఞాపించబడింది మరియు వారిని మిత్రులుగా తీసుకోవడం నిషేధించబడింది.

ఎవరైతే అల్లాహ్ యొక్క షరీయత్’ను అనుసరించకుండా, తాను అల్లాహ్ యొక్క వలీని అని దావా చేస్తాడో, అలాంటి వాడు తన దావాలో అబద్ధాలకోరు.

ధార్మిక పరమైన విధులను నిర్వర్తించడం మరియు నిషేధాలకు దూరంగా ఉండటం ద్వారా అల్లాహ్ యొక్క ‘వలాయత్’ ను (అంటే అల్లాహ్ యొక్క వలీగా ఉండే భాగ్యాన్ని) పొందవచ్చును.

అల్లాహ్ యొక్క ప్రేమను పొందటానికి మరియు దాసుని దుఆలకు సమాధానం పొందడానికి దారి తీసే మార్గాలలో ఒకటి అల్లాహ్ విధిగావించిన విషయాలను ఆచరిస్తూ, ఆయన నిషేధించిన వాటిని వదిలివేసి – తరువాత స్వచ్చందంగా అదనపు ఆరాధనలు ఆచరించడం.

ఈ హదీసు అల్లాహ్ యొక్క వలీల గౌరవం మరియు ఉన్నత హోదాను సూచిస్తుంది.

వివరణ

Hadeeth benefits