/ Imico y'Intumwa y'Imana (Imana iyihe amahoro n'imigisha) yari Qur'an

Imico y'Intumwa y'Imana (Imana iyihe amahoro n'imigisha) yari Qur'an

Sa'ad Ibun Hisham Ibun Amir ubwo yajyaga kwa Aishat (Imana imwishimire) yaramubajije ati: Yewe Nyina w'abemera! Mbwira imico y'Intumwa y'Imana (Imana iyihe amahoro n'imigisha) uko yari imeze? Aishat aramusubiza ati: Ese ntusoma Qur'an/ Ndamusubiza nti: Yego! Arambwira ati: Imico y'Intumwa y'Imana (Imana iyihe amahoro n'imigisha) yari Qur'an.
Yakiriwe na Muslim muri Hadithi ndende

Explanation

Aishat Nyina w'abemera (Imana imwishimire) yabajijwe ku mico n'imyifatire yarangaga Intumwa y'Imana (Imana iyihe amahoro n'imigisha), nuko asubiza igisubizo kibumbatiye hamwe, ayobora uwari umubajije kuri Qur'an Ntagatifu yo ikusanyirije hamwe indangagaciro zuzuye, aramubwira ati: Intumwa y'Imana (Imana iyihe amahoro n'imigisha) yarangwaga n'imico igaragara muri Qur'an, ibyo yategetse n'ibyo yabujije yarabyubahirizaga. Bityo imico ye yaranzwe no gushyira mu bikorwa Qur'an, no kwitwararika amategeko yayo, no kurangwa n'indangagaciro zayo, no gutekereza ku ngero zayo n'inkuru zayo.

Hadeeth benefits

  1. Gushishikariza kugera ikirenge mu cy'Intumwa y'Imana (Imana iyihe amahoro n'imigisha) turangwa n'imico ya Qur'an.
  2. Gushima imico y'Intumwa y'Imana (Imana iyihe amahoro n'imigisha), kandi ko yari ifite inkomoko mu butumwa Intumwa y'Imana (Imana iyihe amahoro n'imigisha) yahishuriwe!
  3. Qur'an niyo soko y'imico myiza yose ndetse n'ingeso nziza.
  4. Imico muri Isilamu iba ikubiyemo idini ryose uko ryakabaye, ukora ibyo ryategetse, ukareka ibyo ryabujije.