တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)က အသိပေးမိန့်ကြားခဲ့သည်မှာ မကြာမီပင် အုပ်ချုပ်ရေးအာဏာပိုင်များက ကျွန်ုပ်တို့အပေါ်တွင် ခေါင်းဆောင်များကို ခန့်အပ်လိမ့်မည်။ ထိုခေါင်းဆောင်များ၏ အချို့သောလုပ်ရပ်များသည် တရားတော်နှင့် လျှော်ညီသည့်အတွက် ယင်းလုပ်ရပ်များကိုကျွန်တော်တို့ လက်ခံကြပြီး အချို့သောလုပ်ရပ်များသည် တရားတော်နှင့်ဆန့်ကျင်နေသည့်အတွက် ကျွန်တော်တို့ ငြင်းပယ်ကြလိမ့်မည်။ အကြင်သူသည် ထိုမကောင်းသောလုပ်ရပ်အား စိတ်တွင်းမှ မုန်းတီးသော်လည်း ၎င်းတို့၏ဖိနှိပ်ချုပ်ချယ်မှုကို စိုးရိမ်ရသဖြင့် ငြင်းပယ်ကြောင်း ဖော်ထုတ်ရန် မတတ်စွမ်းနိုင်ပါက ထိုသူသည် အပြစ်ကင်းစင်သူပင်ဖြစ်သည်။ အကြင်သူသည် ၎င်းတို့အား လက်ဖြင့်လည်းကောင်း၊ နှုတ်ဖြင့်လည်းကောင်း တားမြစ်ရန်တတ်စွမ်းနိုင်ပြီး ၎င်းတို့အား တားမြစ်ခဲ့ပါက ထိုသူသည် ငြိမ်းချမ်းသူဖြစ်သည်။ သို့သော် အကြင်သူသည် ၎င်းတို့၏ မကောင်းသည့်လုပ်ရပ်များကို စိတ်တွင်း၌သဘောတူပြီး လိုက်နာပြုကျင့်ပါက ၎င်းတို့ကဲ့သို့ပင် ပျက်စီးသွားမည်ဖြစ်သည်။ ထို့နောက် သာဝကကြီးများက တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)အား ကျွန်ုပ်တို့သည် ၎င်းတို့အား စစ်တိုက်ရမည်မဟုတ်လောဟု မေးလျှောက်ကြရာ ကိုယ်တော်က ၎င်းတို့သည် အသင်တို့ထဲတွင် ဆွလာသ်ဆောက်တည်နေသမျှ ၎င်းတို့အားစစ်မတိုက်ကြနှင့်ဟု မိန့်ကြားခဲ့သည်။