အာအိရှဟ် (ရဿွိယလ္လာဟုအန်ဟာ)က ပြောပြခဲ့သည်။ အုမ္မုစလမဟ် (ရဿွိယလ္လာဟုအန်ဟာ)သည် အီသီယိုးပီးယားနိုင်ငံတွင် ရှိခဲ့စဉ် ထိုနိုင်ငံ၌ ရုပ်ပုံများပါရှိသော နဆ်ွရာနီ ဘုရားကျောင်းကိုမြင်တွေ့ခဲ့သည်။ ထို့ကြောင့် သူမသည် ကိုယ်တော်မြတ် (ဆွလ္လလ္လာဟုအလိုင်ဟိဝစလ္လမ်)အား သူမ မြင်တွေ့ခဲ့သည့် ထိုဘုရားကျောင်း၌ လှပစွာပြင်ဆင်ထားမှုများနှင့် ရုပ်ပုံများအကြောင်း အံ့ဩကြီးစွာ တင်ပြခဲ့သည်။ ထိုလုပ်ရပ်များသည် အပြစ်ကြီးမားပြီး၊ သောင်ဟီးဒ်တရားတော်အတွက် အလွန်အန္တရာယ်ကြီးမားသောကြောင့် တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သည် (လှဲနေရာမှ)မိမိ၏ ဦးခေါင်းကို မြှောက်လိုက်တော်မူပြီး မိမိ၏အွမ္မသ်နောက်လိုက်တို့အား ထိုသူတို့၏ လုပ်ရပ်များမှ သတိပေးတားမြစ်ရန်အတွက် ဤကဲ့သို့ ရုပ်ပုံများထားရှိခြင်း၏ အကြောင်းအရင်းကို သူမတို့အား ရှင်းပြတော်မူခဲ့သည်။ ကိုယ်တော်က မိန့်ကြားတော်မူသည်မှာ- အသင်မတို့ ပြောပြခဲ့ကြသည့် ထိုသူများသည် ၎င်းတို့အနက်မှ သူတော်ကောင်းတစ်ဦး ကွယ်လွန်ခဲ့လျှင် ထိုသူ၏ ကဗရ်သင်္ချိုင်းပေါ်တွင် “မတ်စ်ဂျစ်ဒ်” ဝတ်ကျောင်းတော် ဆောက်လုပ်လိုက်ကြပြီး ထိုကျောင်းထဲ၌ “ဆွလာသ်” ဝတ်ပြုကြသည်။ ၎င်းပြင် ထိုကဲ့သို့ ရုပ်ပုံများကိုလည်း ရေးဆွဲခဲ့ကြသည်။ ထိုလုပ်ရပ်သည် အလ္လာဟ်အရှင်မြတ်နှင့် ဖက်စပ်ယှဉ်တွဲကိုးကွယ်မှုထဲသို့ ကျရောက်စေသဖြင့် ဤသို့ပြုလုပ်သူသည် အလ္လာဟ်အရှင်မြတ်ထံတော်၌ အဖန်ဆင်းခံများအနက် အဆိုးယုတ်ဆုံးသူများပင်ဖြစ်ကြောင်းကိုယ်တော်က ရှင်းပြတော်မူခဲ့သည်။