နဗီတမန်တော်များ၊ သူတော်စင်များ၏ ကဗရ်များကို စဂ်ျဒဟ်ဦးချရာနေရာအဖြစ် သတ်မှတ်ကာ ဆွလာသ်ဝတ်ပြုခြင်းကို တားမြစ်ထားသည်။ အဘယ့်ကြောင့်ဆိုသော် ၎င်းသည် ရှိရ်က်သို့ကျရောက်စေသည့် အကြောင်းခံဖြစ်သည်။
တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် သောင်ဟီးဒ်တရားနှင့်ပတ်သက်၍ အလွန်အလေးအနက်ထား ဂရုစိုက်တော်မူသည်။ ထို့အတူ ကဗရ်များအား ဂုဏ်ပြုခြင်းများ ပြုလုပ်လာကြမည်ကိုလည်း အလွန်စိုးရိမ်တော်မူသည်။ အဘယ့်ကြောင့်ဆိုသော် ၎င်းသည် ရှိရ်က်သို့ ကျရောက်စေသည့်အတွက်ဖြစ်သည်။
ယဟူဒီ၊ နဆ်ွရာနီနှင့် ၎င်းတို့လုပ်ရပ်ကဲ့သို့ ကဗရ်များပေါ်တွင် အဆောက်အဦးဆောက်၍ ဦးချရာနေရာများ အဖြစ်သတ်မှတ်သူတို့အား လအ်နသ်ပို့ခြင်းပိုင်သည်။
ကဗရ်သင်္ချိုင်းများပေါ်တွင် အဆောက်အဦးဆောက်လုပ်ခြင်းသည် ယဟူဒီ၊ နဆ်ွရာနီတို့၏ လမ်းစဉ်များအနက်မှဖြစ်ပြီး ဟဒီးဆ်တော်တွင် ၎င်းတို့နှင့် ဆင်တူအောင်ပြုခြင်းကို တားမြစ်ထားသည်။
ဗလီဝတ်ကျောင်းတော် ဆောက်လုပ်ထားခြင်း မရှိလျှင်လည်း ကဗရ်သင်္ချိုင်းများတွင် ဆွလာသ်ဝတ်ပြုခြင်း၊ ကဗရ်ဘက်သို့လှည့်၍ ဆွလာသ်ဝတ်ပြုခြင်းတို့သည် ကဗရ်သင်္ချိုင်းများကို ဦးချစရာနေရာများအဖြစ် သတ်မှတ်ခြင်း၌ အကျုံးဝင်သည်။

ရှင်းလင်းချက်

Hadeeth benefits