အလ္လာဟ်အရှင်မြတ်၏ တားမြစ်ချက်များကို ချိုးဖောက်လျှင် အရှင်မြတ်သည် (အမျက်ဒေါသဖြင့်)မခံချင်စိတ်ဖြစ်တော်မူကြောင်း ဤဟဒီးဆ်တော်တွင် လာရှိထားသည်။ အရှင်မြတ်သည် မိမိ၏ကန့်သတ်ချက်များကို ကျူးလွန်ခြင်းအားနှစ်သက်ခြင်းမရှိ၊ အမျက်တော်ရှတော်မူသည်။ ၎င်းတားမြစ်ချက်များတွင်(ဇိနာ) တရားမဝင် ကာမကျူးလွန်ခြင်း၏ ရွံ့ရှာဖွယ်ရာကိစ္စလည်း ပါဝင်ပြီး ၎င်းသည် အလွန်ဆိုးယုတ်သည့်လမ်းစဉ်ဖြစ်သည်။ အလ္လာဟ်အရှင်မြတ်သည် မိမိ၏ကျွန်တို့အပေါ် (ဇိနာ)တရားမဝင် ကာမကျူးလွန်ခြင်းနှင့် ၎င်းအားဖြစ်စေသည့် အကြောင်းခံအားလုံးကို တားမြစ်ပိတ်ပင်ထားသည်။ ကျွန်တစ်ဦးသည် တရားမဝင် ကာမအမှုကျူးလွန်သည့်အခါ အလ္လာဟ်အရှင်မြတ်သည် အခြားအပြစ်အကုသိုလ်များ ကျူးလွန်ခြင်းထက်ပို၍ (အမျက်ဒေါသဖြင့်) မခံချင်စိတ်ဖြစ်တော်မူသည်။ ထိုနည်းတူ အမျိုးသားချင်း လိင်တူဆက်ဆံခြင်းကို ကျူးလွန်ခြင်းသည် ပို၍ပင်ပြင်းထန်သည်။ ထို့ကြောင့် အလ္လာဟ်အရှင်မြတ်သည် လိင်တူဆက်ဆံခြင်းအား(ဇိနာ)တရားမဝင် ကာမကျူးလွန်ခြင်းထက်ပို၍ စက်ဆုပ်ရွံ့ရှာဖွယ်ရာအဖြစ် သတ်မှတ်ထားသည်။ ထိုနည်းတူ ခိုးခြင်း၊အရက်သောက်ခြင်းနှင့် ပြစ်မှုတိုင်းအား ကျူးလွန်သည့် အခါတွင်လည်း အလ္လာဟ်အရှင်မြတ်သည် (အမျက်ဒေါသဖြင့်) မခံချင်စိတ်ဖြစ်တော်မူသည်။ သို့သော် အချို့ပြစ်မှုများထက် အချို့ပြစ်မှုများတွင် (အမျက်ဒေါသဖြင့်)မခံချင်စိတ် ဖြစ်ခြင်းသည် ပို၍ပြင်းထန်သည်။ ဤသည် ပြစ်မှုအတိုင်းအတာနှင့် နောက်ဆက်တွဲဆိုးကျိုးများပေါ် မူတည်၍ ကွာခြားခြင်းဖြစ်သည်။