{158. Сафа и Мерва[49], навистина, се Аллахови обредни места. Затоа тој што ќе ја посети Ќаба за аџилак[50] или умра[51], не прави никаков престап ако ги обиколи. А тој што доброволно ќе направи некое добро дело, па, Аллах е навистина Благодарен и знае сè.} (سورة البقرة : 158).

{196. Аџилакот и умрата заради Аллах извршете ги![59] А ако бидете спречени, тогаш курбаните кои ќе ви се најдат при рака заколете ги, а главите свои, додека курбаните не стигнат до местото свое, не бричете ги! А ако некој меѓу вас се разболи или главоболка го мачи, со пост, со милостина или со курбан нека се искупи! Кога ќе бидете безбедни, кој ќе изврши умра со аџилакот нека заколе курбан до кој ќе може да дојде! А тој што не може да го најде, нека пости три дена во деновите на аџилакот, и седум дена откако ќе се врати, односно, полни десет дена. Тоа е за тој чиешто семејство не е присутно во Светиот Храм. И плашете се од Аллах и знајте дека Тој жестоко казнува!} (سورة البقرة : 196).

{197. Аџилакот е во познатите месеци;[60] тој што ќе се обврзе дека во нив ќе изврши аџилак не смее да има однос со сопругата, ниту нешто лошо да прави, ниту да се препира во текот на аџилакот. А за доброто кое ќе го сторите Аллах знае. Снабдете се за на пат, а најдоброто снабдување е богобојазливоста. И плашете се од Мене, о, вие со разум обдарени!} (سورة البقرة : 197).

{198. Не ви е грев од Господарот свој да барате некое добро.[61] А кога ќе тргнете од Арефат[62], спомнувајте Го Аллах кај Мешарил Харам[63]; спомнувајте Го, бидејќи Тој ве упати, а претходно бевте во заблуда.} (سورة البقرة : 198).

{199. А потоа тргнете од каде што тргнуваат и останатите луѓе и барајте прошка од Аллах. Аллах навистина простува и Милостив е.} (سورة البقرة : 199).

{200. А кога ќе завршите со обредите ваши, спомнувајте Го Аллах како што ги спомнувате предците ваши, па и повеќе од тоа! Има луѓе што велат: „Господару наш, дај ни Ти нам на овој свет!“ Тие од добрата на оној свет нема ништо да имаат.} (سورة البقرة : 200).

{201. А има и такви што велат: „Господару наш, дај ни добро на овој и на оној свет и сочувај нè од казната во огнот!“} (سورة البقرة : 201).

{202. Ним им припаѓа наградата која ја заслужија! Аллах навистина брзо ги израмнува сметките.} (سورة البقرة : 202).

{203. И спомнувајте Го Аллах во одредените денови![64] А на тој што ќе побрза, па ќе го стори тоа во два дена, не му е грев, како што не му е грев ни на тој што подолго ќе остане, доколку е богобојазлив. И плашете се од Аллах и знајте дека пред Него сите ќе бидете оживеани.} (سورة البقرة : 203).

{96. Првиот храм изграден за луѓето е тој во Бека[91], благословен и патоказ на световите.} (سورة آل عمران : 96).

{97. Во него има очигледни знаци – местото на коешто стоеше Ибрахим! И тој што ќе влезе во него ќе биде безбеден. Аџилакот должен е да го заврши, поради Аллах, секој што е во можност да дојде до него. А тој што не верува – па, Аллах е навистина независен од световите.} (سورة آل عمران : 97).

{1. О, верници, исполнувајте ги обврските! Ви се дозволува добитокот, со исклучок на тој за којшто ќе ви биде соопштено. Не ви е дозволено да ловите додека ги извршувате обредите на аџилакот! Навистина, Аллах пропишува што Тој сака.} (سورة المائدة : 1).