/ „Господарот е најблиску до Својот роб во последниот дел од ноќта

„Господарот е најблиску до Својот роб во последниот дел од ноќта

Од Ебу Умаме се пренесува дека Амр бин Абесе, Аллах нека е задоволен со него, раскажал дека го слушнал Божјиот пратеник, салаллаху алејхи ве селем, како вели: „Господарот е најблиску до Својот роб во последниот дел од ноќта. Ако можеш да бидеш од оние што Го спомнуваат Аллах во тој час, тогаш биди.“
رواه أبو داود والترمذي والنسائي

Објаснување

Божјиот пратеник, салаллаху алејхи ве селем, известува дека Господарот е најблиску до Својот роб во последната третина од ноќта. Ако ти, о вернику, бидеш упатен и имаш можност да бидеш меѓу оние што Му се покоруваат на Аллах – што клањаат, Го спомнуваат и бараат прошка во овој благословен час – тогаш искористи ја оваа прилика и посветено труди се во неа.

Hadeeth benefits

  1. Хадисот е поттик муслиманот да Го спомнува Аллах во последниот дел од ноќта.
  2. Временските периоди се разликуваат според нивната вредност кога станува збор за зикрот, довата и намазот.
  3. Мирк вели во врска со разликата помеѓу зборовите „Господарот е најблиску до Својот роб“ и „Робот е најблиску до својот Господар кога е на сеџда“: Првото укажува на времето кога Господарот е најблиску до робот, а тоа е во последниот дел од ноќта, додека второто укажува на состојбата во која робот е најблизок до Господарот, а тоа е кога е на сеџда.