/ ,Тешко на петите од огнот! Земајте го абдестот потполно!‘“

,Тешко на петите од огнот! Земајте го абдестот потполно!‘“

Од Абдулах бин Амр, Аллах нека е задоволен со него, се пренесува: „Се враќавме со Божјиот пратеник, салаллаху алејхи ве селем, од Мека кон Медина. На патот, кога пристигнавме до место со вода, некои луѓе побрзаа во времето на икиндија да земат абдест набрзина. Кога стигнавме кај нив, забележавме дека задниот дел од нивните пети останал сув, бидејќи водата не ги допрела. Тогаш Божјиот пратеник, салаллаху алејхи ве селем, рече: ,Тешко на петите од огнот! Земајте го абдестот потполно!‘“
متفق عليه

Објаснување

Божјиот пратеник, салаллаху алејхи ве селем, патувал од Мека кон Медина заедно со своите асхаби. На патот наишле на извор, па некои од асхабите побрзале да земат абдест за икиндискиот намаз. Во нивното брзање, задниот дел од нивните пети останал сув, бидејќи водата не ги допрела. Тогаш Божјиот пратеник, салаллаху алејхи ве селем, рекол: „Казна и пропаст во огнот ги чека оние кои не го мијат задниот дел од нозете при абдестот.“ Потоа им наредил да го земаат абдестот темелно и целосно.

Hadeeth benefits

  1. Обврска е стапалата да се мијат при абдестот, бидејќи да беше дозволено само потирањето, Божјиот пратеник, салаллаху алејхи ве селем, немаше да се закани со оган за оној кој го пропушта миењето на петите.
  2. Потребно е целосно опфаќање со вода на деловите што се мијат при абдестот. Оној кој намерно или од немарност ќе остави дури и најмал дел од телото неизмиен, неговиот намаз нема да биде валиден.
  3. Важноста на подучување и упатување на неуките.
  4. Учениот е должен да укаже на пропустите во исполнувањето на ваџибите и сунетите, користејќи соодветен и мудар пристап.
  5. Мухамед Исхак ед-Дехлеви рекол: „Темелното миење при абдестот може да се подели на три вида: ваџиб – кое подразбира целосно поливање на местото со вода еднаш; сунет – миењето трипати; и препорачано – подолго и потемелно миење со повторување трипати.“