/ О сине Адемов, сè додека Ми се обраќаш со дова и се надеваш во Мене, ќе ти простам, без разлика на твоите гревови, и тоа не Ми претставува тешкотија...

О сине Адемов, сè додека Ми се обраќаш со дова и се надеваш во Мене, ќе ти простам, без разлика на твоите гревови, и тоа не Ми претставува тешкотија...

Од Енес бин Малик, Аллах нека е задоволен со него, се пренесува дека рекол: Го слушнав Божјиот пратеник, салаллаху алејхи ве селем, како вели: „Возвишениот Аллах рекол: О сине Адемов, сè додека Ми се обраќаш со дова и се надеваш во Мене, ќе ти простам, без разлика на твоите гревови, и тоа не Ми претставува тешкотија. О сине Адемов, доколку твоите гревови достигнат до небесата, а потоа побараш прошка од Мене, ќе ти простам, и тоа не Ми претставува тешкотија. О сине Адемов, ако дојдеш кај Мене со гревови колку што е Земјата, но не Ми припишуваш здруженици, ќе ти дојдам со исто толкава прошка."
رواه الترمذي

Објаснување

Веровесникот, салаллаху алејхи ве селем, известува дека Возвишениот Аллах рекол во хадис кудси: „О сине Адемов, сè додека Ми се обраќаш со дова и се надеваш на Мојата милост, без да паѓаш во очај, ќе ги прикријам и избришам твоите гревови, без разлика колку и да се големи, и тоа нема да Ми претставува тешкотија. О сине Адемов, ако твоите гревови станат толку многубројни така што ќе го исполнуваат просторот помеѓу небесата и Земјата, а потоа ќе побараш прошка од Мене, ќе ти ги простам сите гревови, без да Ми претставува каква било потешкотија. О сине Адемов, ако по смртта дојдеш кај Мене со гревови што би ја наолниле целата Земја, но умреш како мувехид (монотеист), ќе те пречекам со прошка исто толкава колку што би ја преполнила Земјата, бидејќи Јас сум Оној Кој простува и ги простувам сите гревови, освен ширкот.“

Hadeeth benefits

  1. Ширината и големината на Аллаховата милост, прошка и добрина.
  2. Вредноста на тевхидот и дека Аллах им ги простува гревовите и престапите на оние кои се мувехиди (монотеисти).
  3. Опасноста од ширкот и дека Аллах не им простува на оние кои Му припишуваат здруженици.
  4. Ибн Реџеб рекол: „Овој хадис ги содржи трите причини за добивање прошка за гревовите:
  6. 1. Обраќање со дова и надеж во Аллаховата милост.
  8. 2. Барање прошка и покајание.
  10. 3. Смрт во состојба на тевхид.“
  11. Овој хадис е еден од хадисите што Божјиот пратеник, салаллаху алејхи ве селем, ги пренесува од својот Господар и се нарекува како хадис кудси. Тој по своето значење и израз доаѓа од Аллах, но не ги поседува посебните својства на Куранот, каков е фактот дека читањето на Куранот претставува посебен облик на ибадет, за истиот е пропишана задолжителната чистота (абдест) при читање, неговата натприродност и предизвик до луѓето да достават нешто слично на него, и друго.
  12. Гревовите се делат на три вида:
  14. 1. Ширкот – Аллах не го простува овој грев. Возвишениот Аллах вели: „Кој на Аллах ќе Му припишува здруженик, Аллах ќе му го забрани влезот во Џенетот." (Ел Маиде, 72)
  16. 2. Зулумот, неправдата што човекот си ја нанесува себеси во неговиот однос кон Аллах, преку правењето престапи и гревови. Аллах ги простува таквите гревови и преминува преку нив, ако сака.
  18. 3. Гревовите во односите меѓу луѓето, каде што е направена неправда кон другите. Аллах нема да ги остави овие гревови и неопходно е да има казна и компензација за нив.