/ „Не правете од вашите домови гробници, ниту од мојот гроб светилиште. Испраќајте поздрави до мене, бидејќи вашите салавати ќе ми се достават каде и да сте.“...

„Не правете од вашите домови гробници, ниту од мојот гроб светилиште. Испраќајте поздрави до мене, бидејќи вашите салавати ќе ми се достават каде и да сте.“...

Ебу Хурејре, Аллах нека е задоволен со него, пренесува дека Божјиот пратеник, салаллаху алејхи ве селем, рекол: „Не правете од вашите домови гробници, ниту од мојот гроб светилиште. Испраќајте поздрави до мене, бидејќи вашите салавати ќе ми се достават каде и да сте.“
رواه أبو داود

Објаснување

Божјиот пратеник, салаллаху алејхи ве селем, забранува домовите да се запоставуваат и да не се клања во нив, за да не се претворат во гробишта, каде што не се клања. Забранува и постојано посетување на неговиот гроб и собири околу него, бидејќи тоа може да доведе до ширк. Наредува да му испраќаме салавати и селами нему, од кој било дел на земјата, бидејќи тие ќе пристигнат до него, без разлика дали сме блиску или далеку, така што нема потреба да се оди до неговиот гроб.

Hadeeth benefits

  1. Забраната за запоставување на домовите од правењето ибадет во нив.
  2. Забрането е да се патува со цел само за да се посети гробот на Божјиот пратеник, салаллаху алејхи ве селем, бидејќи тој наредил да се испраќаат поздрави до него и известил дека ќе му пристигнат од секаде, а патувањето треба да биде со цел да се посети џамијата и да се клања во неа.
  3. Забрането е посетата на гробот на Божјиот пратеник, салаллаху алејхи ве селем, да го претвори истиот во светилиште, со постојано посетување, на специфичен начин во одредено време, истото важи и за посетата на кој било гроб на тој начин.
  4. Вредноста и положбата на Пратеникот, салаллаху алејхи ве селем, кај неговиот Господар, се огледа во тоа што е дозволено да се испраќаат салавати и селами до него во секое време и на секое место.
  5. Бидејќи забраната за молитва кај гробовите била утврдена кај асхабите, Божјиот пратеник, салаллаху алејхи ве селем, забранил домовите да се претворат во гробишта, каде што нема да се клања.