/ Loza ho any amin'ny afobe izay tsy nanasa ny voditongony ary ataovy tsara ny Ozò

Loza ho any amin'ny afobe izay tsy nanasa ny voditongony ary ataovy tsara ny Ozò

Tatitra azo avy tamin'i Abdollah bin A'mro (R.A) niteny izy : Niverina niaraka tamin' Irak'Allah (S.A.W) izahay avy any Makkat ho any Madina, rehefa teny an-dàlana izay nahita rano ka nisy andian'olona nihazakazaka hanao soalat Asri, ka nanao ozò izy ireo tao anatin'ny fahamekana, ka tazanay izy ireo fa tsy lenandrano ny voditongotr'izy ireo, dia niteny ny Mpaminany (S.A.W) manao hoe : "Loza ho any amin'ny afobe izay tsy nanasa ny voditongony ary ataovy tsara ny Ozò".
Notantarain’i Bokhari sy Moslim

Explanation

Nandeha avy tany Makkat ho any Madina ny Mpaminany (S.A.W) sy ireo mpanaradiany, ary teny an-dàlana dia nahita rano ny sasany izy ireo, ka nihazakazaka ireo mpanaradiany hanao ozò an'ny soalat Asr ka vokatry ny fahamaihana loatra dia nisy nahatazana fa tsy voasasa ny voditongotr'izy ireo, dia hoy ny Mpaminany (S.A.W) : Sazy sy fandringanana any amin'ny afo ho an'izay manao tsirambina ny fanasana ny lamosin'ny tongony rehefa manao Ozò, ary nandidy azy ireo mba hameno sy hendena tsara rehefa manao ozò.

Hadeeth benefits

  1. Tsy maintsy sasana ny tongotra roa rehefa manao ozò; Satria raha azo atao ny misafo dia tsy ho voarahona amin'ny afo izay tsy miraharaha manasa ny voditongony.
  2. Tsy maintsy atao ny manasa manonontolo ny faritra tsy maintsy sasana, ary izay namela ampahany kely amin'ny faritra tsy maintsy diovina amin'ny ozò, noho ny fanahiniana na tsy firaharahana dia tsy manan-kery ny soalat ataony.
  3. Ny maha zava-dehibe ny fampianarana ny olona tsy mahalala sy ny fanorona lalana azy.
  4. Ny manampahaizana dia tokony tsy mankasitraka izay hitany fa manao tsinontsinona ny adidy tsy maintsy atao sy ny sonnat amin'ny fomba mety.
  5. Niteny i Mohammad Ishaq Ad-Dahlawi manao hoe : Misy karazany telo ny fanasana : ny tsy maintsy atao, dia ny fanasana ny toerana indray mandeha, ny sonnat dia manasa in-telo, ary mendrika kokoa dia manao azy mihoatra ary atao in-telo.