/ Ry zanak’i Adama, raha mbola mangataka amiko sy manantena Ahy ianao, dia hamela anao Aho ary tsy raharahako

Ry zanak’i Adama, raha mbola mangataka amiko sy manantena Ahy ianao, dia hamela anao Aho ary tsy raharahako

Tatitra azo avy amin'i Anas bin Malik (R.A) niteny : Nandre ny irak’Allah (S.A.W) aho nilaza manao hoe niteny Allah Ilay avo indrindra : Ry zanak’i Adama, raha mbola mangataka amiko sy manantena Ahy ianao, dia hamela anao Aho ary tsy raharahako, ry zanak’i Adama, raha tonga eny amin’ny rahon’ny lanitra ny fahotanao, ary avy eo nangataka famelan-keloka tamiko ianao, dia havelako ny helokao, ary tsy raharahako, ry zanak’i Adama, raha manatona Ahy miaraka amin’ny fahotana eran’ny tany ianao, ary avy eo nifanena tamiko ka tsy nampiombona Ahy tamin'ny zavatra hafa, dia hitondra famelan-keloka mitovy velarana ami'izany ho anareo Aho”.
Notantarain'i Al-Tirmizì

Explanation

Nanambara ny Mpaminany (S.A.W) ao amin’ny Hadith kodsi hoe : Ry zanak’i Adama, raha mbola miantso Ahy sy manantena ny famindram-poko ianao, ary tsy kivy; Nosaronako ny fahotanao ka nofafako ary tsy noraharahaiko izany; Na dia fahotana lehibe aza izany. Ry zanak’i Adama : Raha betsaka loatra ny fahotanao ka mameno ny elanelana misy eo amin’ny lanitra sy ny tany ka mahatratra ny savaivony sy manarona ny lanivoany, ka mangataka famelan-keloka amiko ianao; Nofafako sy navelako daholo ireo, na firy na firy. Ry zanak’i Adama : raha nanatona Ahy ianao taorian’ny fahafatesana tamin’ny famenoanao ny tany amin’ny fahotana sy ny tsy fankatoavana, ary maty tamin’ny fanokanana Ahy ianao (tawhid), ka tsy nanambatra na inona na inona tamiko; dia nosoloiko famelan-keloka ireo fahotana mameno ny tany ireo; Satria feno famelan-keloka aho, ary mamela ny ota rehetra afa-tsy ny fanompoan-tsampy.

Hadeeth benefits

  1. Ny haben'ny famindram-pon'I Allah Tsitoha sy ny famelan-kelony ary ny fahasoavany.
  2. Ny hasin'ny fanokanana an'I Allah, ary Allah mamela n'y fahotan'ireo mpanokana azy.
  3. Ny loza ateraky ny fanompoan-tsampy ary Allah dia tsy mamela ny mpanompo sampy.
  4. Nilaza Ibn Rajab : Ity hadith ity dia ahitana ireo antony telo ahazoana famelan-keloka : ny voalohany : ny fitalahoana miaraka amin'ny fanantenana, ny faharoa : ny fikatsahana famelan-keloka sy ny fibebahana, ny fahatelo : ny fahafatesana ao anatin'ny fanokana an'I Allah.
  5. Io hadith io dia notantarain'ny Mpaminany (S.A.W) avy amin'ny Tompony, ka antsoina hoe Hadith AL-kodossi (masina) na koa tenin'I Allah, satria avy amin'I Allah ny teny sy ny heviny, saingy tsy feno ao aminy ireo zavatra mampiavaka ny Kor'any, izay tsy itovizany tanteraka amin'ny hafa, toy ny fanompoam-pivavahana amin'ny famakiana azy, ny fidiovana rehefa handray azy, ny fanamby ao aminy, ny fahagagana, sy ny hafa ankoatr'izany.
  6. Misy karazany telo ny ota : Ny voalohany : ny fanompoan-tsampy; izany dia tsy hamelan'I Allah. Niteny Allah ilay Tsitoha hoe : {Izay mampitambatra fanompoana an'I Allah amin'ny hafa dia noraran'I Allah ho azy ny Paradisa}, Faharoa : Ny fanaovan'ny mpanompo tsy rariny amin'ny tenany noho ny fahotana sy ny fandikan-dalàna nataony tamin'ny Tompony, dia hamela izany Allah raha sitrany. Fahatelo : Fahotana izay tsy misy amelan'I Allah mihitsy ny aminy, izany dia ny tsy rariny ataon’ny mpanompo amin’izy samy izy, ka tsy maintsy ilaina aminy ny vali-faty.