Ittaama e Abdullaahi Ibnu Amri Ibnul Aasi yo Alla yardo he mabbe) o wii: Nelaaɗo yo jam e kisal won e makko maaki: " pellet iimaan ina rappa e fulkuru gooto e mon hono no comcol rappirta nih, ñaage Alla nde O hesɗatinta iimaan e ɓerɗe mon".

Ittaama e Abu Hurayrata yo Alla wele mbo(yo allah yardo he makko) wonde Nelaaɗo Alla yo jam e kisal ngon e makko maaki:(owii) " Jiyaaɗo ɓurata ɓadaade Joom (joomiko)makko konde o sujji nde, kebbine ñaagaade(do a u , karne)".

Ittaama e Aa'isa yo Alla wele mbo(yo alla yardo he makko): Annabi yo jam e kisal won e mum si O lelinooma e leeso makko kala jemmo o renndina newe makko, refti O wutta e majje O jannga e majje:' Qul huwa Allaahu Ahad', e 'Qul a Uuuju bi rabbil falaqi' e ' Qul a uuju bi rabbinnaasi', refti O moomiraɗe ko o hattani e ɓanndu makko, o fuɗɗoro hoore makko e e ko hucciti e ɓanndu makko, o waɗa ɗum laabi tati.

Ittaama e Sumrata Ɓiy Jundub yo Alla wele mbo (yo allah yardo he makko)o wii: Nelaaɗo Alla yo jam e kisal ngon e makko maaki(o wii): " Konnguɗi ( konnguli)nay ɓuri yiɗeede ka Alla ngoni : Subhaanallaahi, Alhamdu lillaahi, Laa Ilaaha illaa Laahu, Allaahu Akbar, kala heen ngol idoriɗa lorataama.

Ƴettaama e Abu Ayyuuba yo weleende Alla won e mum, wonde Annabi yo allo juule e mum o hisna ɗum o wii : « Kala biiɗo : laa'ilaaha illallaahi wahdahu laa sariika lahuu ‚ lahul mulku wa lahul hamdu wa huwa alaa kulli seyin kadiir¹‚ laabi sappo o waya no dimɗinɗo pittaali nay jeyaaɗi e ɓiɓɓe Ismaa'iil ».

Ittaama e Abu Hurayrata yo Alla wele mbo(yo allah yardo he makko) wonde Nelaaɗo yo jam e kisal won e maako maaki( o wii) : " konnguɗi ɗiɗi koyɗi e ɗeɓngal, tedduɗi e peesirgal, jiɗaaɗi ka Jurmotooɗo O" ɗiin ngoni. Senaare woodanii Alla Tedduɗo O, senaare woodanii Alla e jettooɗe Makko".

Ƴettaama e Abu Hurayrata yo weleende allo won e muh wonde Nelaaɗo Alla yo alla juule e mum o hisna ɗum o wii : " Kala biiɗo (subhaanallaahi wabi hamdihii) e ñalawma laabi teemedere(100), bakkatuuji mum camminee hay si ɗi keewrii no yeru nguufo maayo".

Ittaama e Abuu Maalik Al Ash'arii yo Alla wele mbo o wii: Nelaaɗo yo jam e kisal won e makko maaki: " Laaɓal ko feccere Iimaan(imanagal), yettude Alla ina hebbina peesirgal(manndakke) subhinade Alla e yettude Mba ina hebbina ko woni hakkunde kammuuji e leydi, juulde ko annoore, sadaka ko ɓanngannduye, muñal ko ndaaygu, Quraana ko hujja ma wollo e dow ma, yimɓe fof ko dawooɓe, ko jeeyoowo fittaandu makko wollo dimɗinoowo ndu wollo kalkoowo ndu".

Ittaama e Jaabir Ɓiy Abdullaahi (yo allah yardo he makko) o wii: mi nanii Nelaaɗo Alla ina maaka: " Ɓuri moƴƴude e jikru ko: Laa ilaaha illal laahu, ɓuri moƴƴude e du'aaw ko: Al hamdu lillaahi".