/ "Bu Xinzəb deyilən şey­tandır. Onu hiss etdiyin an ondan Allaha sığın və sol tərəfinə üç dəfə yavaşca tüpür

"Bu Xinzəb deyilən şey­tandır. Onu hiss etdiyin an ondan Allaha sığın və sol tərəfinə üç dəfə yavaşca tüpür

Osman bin Əbil-Asdan (Allah ondan razı olsun) rəvayət edildiyinə görə: O, Allah Rəsulunun (Allahın salavatı və salamı onun üzərinə olsun) yanına gələrək: "Ey Al­lahın Rəsulu‎, şeytan mənimlə namazım və qiraətim ara­sına girdi, namazımı və qiraətimi qarışdırdı” dedi. Bunun üzərinə Allah Rəsulu (Allahın salavatı və salamı onun üzərinə olsun) ona belə buyurdu: "Bu Xinzəb deyilən şey­tandır. Onu hiss etdiyin an ondan Allaha sığın və sol tərəfinə üç dəfə yavaşca tüpür". Osman dedi ki: mən elə etdim, Allah da onu məndən uzaqlaşdırdı.
Muslim rəvayət etdi

Şərh (izah)

Osman bin Əbil-As (Allah ondan razı olsun) Peyğəmbərin (Allahın salavatı və salamı onun üzərinə olsun) yanına gələrək belə dedi: "Ey Al­lahın Rəsulu‎, şeytan mənimlə namazım və qiraətim ara­sına girdi, namazı xuşu ilə qılmağıma mane oldu, qiraətimi qarışdırmağa və namazda şəkk etməyimə səbəb oldu- dedi. Bunun eşidən Allah Rəsulu (Allahın salavatı və salamı onun üzərinə olsun) ona: «Bu Xinzəb deyilən Şey­tandır. Onu hiss etdiyin zaman Allaha üz tut, ondan Allaha sığın və xəfif bir şəkildə üç dəfə sol tərəfinə tüpür». Osman (Allah ondan razı olsun): Mən, Peyğəmbərin (Allahın salavatı və salamı onun üzərinə olsun) mənə əmr etdiyi şeyi etdim. Allah da onu məndən uzaqlaşdırdı. dedi.

Hadeeth benefits

  1. Namazda xuşu və qəlbin hazır olmasının önəmi, şeytanın namaz qılan kimsənin fikrini yayındırıb, namazında şübhəyə düşürməyə çalışdığı ifadə edilmişdir.
  2. Namazda vəsvəsə gəldiyi zaman sol tərəfə üç dəfə tüpürərək şeytandan Allaha sığınmağın müstəhəb olması.
  3. Hədisdə, səhabələr (Allah onlardan razı olsun) başlarına gələn problemli məsələləri Peyğəmbərə (Allahın salavatı və salamı onun üzərinə olsun) anlatdıqları zaman onlara həmin məsələnin çözümünü tapması ifadə edilmişdir.
  4. Səhabələrin qəlblərinin diri və onların bütün dərd-sərlərinin axirəti qazanmaq olması.