/ digal nañu ma may sujjóot ci juróom-ñaari cér

digal nañu ma may sujjóot ci juróom-ñaari cér

Jële na ñu ci Ibnu Abbaas -yal na leen Yàlla dollee gërëm- mu jële ci Yónente bi -yal na ko Yàlla dolli xéewal ak mucc- mu wax ne : «digal nañu ma may sujjóot ci juróom-ñaari cér : cib jëh, mu daadi junj loxoom ci bakkanam, ak ñaari loxo yi, ak ñaari wóom yi, ak cati baaraam yi, ak ñu bañ a téye mbaa wog seen i yére ak seen kawar».
Al-buxaariy ak Muslim dëppoo nañu ci génnee ko ci seen ñaari téere yi gën a wér

Explanation

Yonnente bi -yal na ko Yàlla dolli xéewal ak mucc- dafa leeral ne Yàlla da koo digal ci julli muy sujjóot ci juróom-ñaari céram; te mooy: Ab jëh: te mooy: xar kanam ci kaw bakkan bi ak ñaari bët yi, Yonnente bi -yal na ko Yàlla dolli xéewal ak mucc- junj loxoom ci bakkanam, ngir leeral ne jëh ak bakkan benn cér la ci juróom-ñaari cér yi, ak feddali ne kiy sujjóot day laalale bakkanam ci suuf. Cérub ñaareel bi ak bu ñatteel bi mooy: ñaari loxo yi. Bu ñenteel bi ak bu juróomeel bi mooy: ñaari wóom yi. Bu juróom-benneel bi ak bu juróom-ñaareel bi mooy: baaraami tànk yi. Mu digal nu nuy bañ a takk sunu kawar, walla nuy dajale sunu yére bu ñuy sujjóote ci suuf ngir feg ko; waaye danu koy yoor mu tege ci suuf, mu sujjóot ak cér yi.

Hadeeth benefits

  1. Dañoo war a sujjóot ci julli gi ci juróom-ñaari cér.
  2. Sib nañu di dajale yére walla kawar ci julli.
  3. War na ci kiy julli mu ànd ak ug dal ci julli gi, ci teg céri sujjóot yiy juróom ci kaw suuf, daal di dal ba def sikar yi ñu yoonal.
  4. Tere nañu takk kawar ci góor ñi déet jigéen ñi; ndax jigéen ci julli dañu koo digal mu muuru.