/ ku jàppoo kem sama njàpp mii, daal di julli ñaari ràkka yoy du ca xalaat dara, kon Yàlla dana ko jéggal bàkkaaram yi jiitu

ku jàppoo kem sama njàpp mii, daal di julli ñaari ràkka yoy du ca xalaat dara, kon Yàlla dana ko jéggal bàkkaaram yi jiitu

Jële na ñu ci Humraan jaamub Usmaan Ibn Affaan, mu wax ne, gis na Usmaan Ibn Affaan laaj ndox mu mu jàppoo, mu tanq loxoom ci ndab li, raxas leen ñatti yoon, mu dugal ndeyjooram ci jàppukaay bi, daal di gallaxndiku saraxndiku fiiru, daal di raxas xar kanamam ñatti yoon, ak ñaari loxoom ba ci conco yi ñatti yoon, daal di masaa boppam, daal di raxas tànk bu ne ñatti yoon, daal di wax ne: gis naa Yónente bi -yal na ko Yàlla dolli xéewal ak mucc- muy jàppoo kem sama njàpp mii, ba noppi wax ne: "ku jàppoo kem sama njàpp mii, daal di julli ñaari ràkka yoy du ca xalaat dara, kon Yàlla dana ko jéggal bàkkaaram yi jiitu".
Al-buxaariy ak Muslim dëppoo nañu ci génnee ko ci seen ñaari téere yi gën a wér

Explanation

Usmaan -yal na ko Yàlla dollee gërëm- day jàngale melokaanu djàppum Yónente bi -yal na ko Yàlla dolli xéewal ak mucc- ci anamug jëfe; ngir leeral gi gën a mat, mu laaj am ndox ci ndab, dàldi sotti ci loxoom ñatti yoon, ginnaaw loolu mu dugal loxo ndeyjooram ci ndab li, tanq ci ndox yëngal ko ci gémmeñam daal di koy génne, mu xëcc ndox mi ci bakkanam, daa di koy génnewaat, daal di raxas xar kanamam ñatti yoon, daal di raxas ay loxooom ak ñaari conco yi ñatti yoon, mu tooyal loxoom rombale ko ci kaw bopp bi benn yoon, daal di raxas ñaari tànkam ba ci dojor yi ñatti yoon . Ba mu noppe mu waxleen ne gis na Yónente bi -yal na ko Yàlla dolli xéewal ak mucc- mu jàppe njàpp mu mel nii, Yónente bi -yal na ko Yàlla dolli xéewal ak mucc- bégal leen ne ku jàpp nu mel nii mu jàppe, daal di julli ñaari ràkka ànd ca ak toroxlu, te teewal ca xolam ci ne moo ngi ci kanamu Boroomam mu màgg mi, kon Yàlla dana ko fay ci njàpp mu mat moomu ak julli gu sell googu ag njéggal ñeel bàkkaaram ya jiitu.

Hadeeth benefits

  1. Sopp nañu ñu raxas ñaari loxo yi balaa nu leen di dugal ci ndab li ci tàmbalig njàpp mi, bu jugewul ciy nelaw, bu jugee ci ay nelaw ci guddi gi kon raxas leen day war.
  2. Yell na ci kiy jàngale mu jaar yoon wi gën a jege ag dégg ak xam-xam bu dëgër ci kiy jàng, bokk na ca jàngale ci jëf.
  3. Jaadu na ci kiy julli mu jeñ xalaat yi aju ci àdduna, ndax matug julli gi moo ngi ci teewug xol bi ci julli gi, donte mucc ci xalaat yi jafe na, waaye war naa xeex ak bakkanam ba du ca wéy.
  4. Sopp nañu di njëkke ndeyjoor ca njàpp ma.
  5. Yoonal nañu toftale ci diggante gallaxndiku ak saraxndiku ak fiiru.
  6. Sopp nañu raxas xar kanam ak ñaari loxo yi ak ñaari tànk yi ñatti yoon, benn yoon moom dafa war.
  7. Njéggalug Yàlla ci bàkkaar yi day tege ci ñaari mbir: njàpp, ak julli ñaari ràkka, ci melo wi ñi tudd ci hadiis bi.
  8. Cér bu ne ci céri njàpp yi am na yamukaay: yamukaayu kanam mooy: fi kawarug bopp baaxoo sax, ba li wàcc ci kawari sikkim cib yaatuwaay, ak li dalee ci nopp bi ba ca beneen nopp ba cib yaatuwaay. Yamukaayu loxo mooy: li dale ci cati baaraam yi, ba ca conco yi, te mooy li teqale diggante yaxug loxo bi ak përëg bi. Yamukaayu bopp mooy: li dale fa kawar ga di baaxoo sax ca peggu kanam ga ba ca kaw ndong ga, masaa ñaari nopp yi nag ci bopp bi la bokk. Yamukaayu tànk mooy: ndëggu li yépp ànd ak li teqale digganteem ak yeel bi.