/ ku wax: laahi ilaaha illallaahu, amul kenn ku ñu war a jaamu cig dëgg ku dul Yàlla, daal di weddi lépp lu ñuy jaamu te du Yàlla alalam ak dereetam araam na, Yàlla rekk nag mooy càmbar ay jëfam

ku wax: laahi ilaaha illallaahu, amul kenn ku ñu war a jaamu cig dëgg ku dul Yàlla, daal di weddi lépp lu ñuy jaamu te du Yàlla alalam ak dereetam araam na, Yàlla rekk nag mooy càmbar ay jëfam

Jële na ñu ci Taarix Ibn Asyam Al-Asjahii -yal na ko Yàlla dollee gërëm- mu wax ne: dégg naa yónenteb Yàlla bi -yal na ko Yàlla dolli xéewal ak mucc- mu wax ne: «ku wax: laahi ilaaha illallaahu, amul kenn ku ñu war a jaamu cig dëgg ku dul Yàlla, daal di weddi lépp lu ñuy jaamu te du Yàlla alalam ak dereetam araam na, Yàlla rekk nag mooy càmbar ay jëfam».
Muslim soloo na ko

Explanation

Yónente bi -yal na ko Yàlla dolli xéewal ak mucc- day xibaare ne ku wax te seede ci làmmiñam ne «laa ilaaha illal laahu», maanaam amul kenn ku ñu war a jaamu ci dëgg ku dul Yàlla, daal di weddi lépp lu ñuy jaamu te du Yàlla, set wicc ci jépp diine ju dul Lislaam, kon alalam ak dereetam araam na ci jullit te duñu ko àtte lu dul li feeñ ci jëfam, kon deesul jël alalam deesul tuur it dereetam, lu dul bu defee ñaawtéef, walla tooñànge gu koy waral ci àtteb Lislaam. Yàlla mooy méngoo càmbarug jëfam ëllëg bis-pénc, bu dee ku dëggal la mu fay ko aw yiw, bu dee naaféq la mu mbugal ko.

Hadeeth benefits

  1. Wax ne amul kenn ku ñu war a jaamu ku dul Yàlla, weddi lépp lu ñuy jaamu te du Yàlla, sàrt la ci dugg ci Lislaam.
  2. Maanaam (laa ilaaha illal Laahu) mooy weddi lépp lu ñuy jaamu te du Yàlla ci ay xërëm ak i bàmmeel ak yeneen, te wéetal Yàlla mu sell mi cig jaamu.
  3. Ku wéetal Yàlla te taqoo ak Sariiha ci li feeñ, dañu koo war a bàyyi ba mu fésal lu wuute ak loola.
  4. Alali jullit bi ak deretam ak ub deram dafa araam ci lu dul àqi Lislaam.
  5. Àtteb àdduna ci li feeñ la, bu dee allaaxira nag ci yéene yi ak jubluwaay yi.