/ Ku tegtale ci lu baax, dina am pay gu mel ni li ki ko def am

Ku tegtale ci lu baax, dina am pay gu mel ni li ki ko def am

Jële nañu ci Abuu Mashuud Al-Ansaarii -yal na ko Yàlla dollee gërëm- mu wax ne: Amna nit ku mas a ñëw ci Yónente bi -yal na ko Yàlla dolli xéewal ak mucc-, ne ko: amuma waruwaay, kon nag jox ma waruwaay, mu ne ko: «amuma ko», am ku ne ko: yaw Yónente bi, dinaa ko tegtal ku ko jox waruwaay, Yónente bi -yal na ko Yàlla dolli xéewal ak mucc- ne ko: «Ku tegtale ci lu baax, dina am pay gu mel ni li ki ko def am».
Muslim soloo na ko

Explanation

Leerarug adiis bi : Am na ku mas a w ñëw ci Yónente bi -yal na ko Yàlla defal jàmm- ne ko: sama waruwaay dafa dee, yéegal ma cig daaba, te jox ma waruwaay mu yóbbu ma, Yónente bi -yal na ko Yàlla defal jàmm- gàntal ko, ne ko amul dara lu mu koy jox, benn waay bu nekkoon foofu ne ko: yaw Yónente Yàlla bi dinaa ko yóbbu ci ku koy jox waruwaay, Yónente bi -yal na ko Yàlla dolli jàmm- xamle ne, mook kiy saraxe ñoo bokk am yiw, ndax moo ko tegtal aji-yittewoo ji.

Hadeeth benefits

  1. Bokk na ci njariñal adiis bi :
  2. Ñaaxe ci tegtale lu baax.
  3. Soññee ci def lu baax bokk na ci sabab i jàppalanteeg jullit ñi ak seenug bennoo.
  4. Yaatug ngënéelu Yàlla.
  5. Hadiis bii ab tënk bu matale la, jépp jëf ju baax da ciy dugg.
  6. Nit ki bu manut a faj aajiy kiy laaj, da koy tegtal keneen.