/ Jibriil deñul di ma dénk dëkkandóo, bama muj njort ne dana ko dondloo

Jibriil deñul di ma dénk dëkkandóo, bama muj njort ne dana ko dondloo

Jële nañu ci Ibn Umar -yal na leen Yàlla dollee gërëm- mu wax ne : Yónente bi -yal na ko Yàlla dolli xéewal ak mucc- nee na: «Jibriil deñul di ma dénk dëkkandóo, bama muj njort ne dana ko dondloo».
Al-buxaariy ak Muslim dëppoo nañu ci génnee ko ci seen ñaari téere yi gën a wér

Explanation

Yónente bi -yal na ko Yàlla dolli xéewal ak mucc- day xamle ne Jibriil deñul di baamtu ak di ko dénk mu yittewóo dëkkandóo, te mooy ki jege sa kër, moo xam jullit la walla yéefér, moo xam jegeñaale la walla du jegeñaale, ci sàmm ay àqam te bañ koo lor, ak di rafetal jëme ci moom, ak di muñ ay loram, ba Yónente bi -yal na ko Yàlla dolli xéewal ak mucc- njort ngir li mu màggal àqi dëkkandóo ak li ko Jibriil di baamtu tax mu njort ne wahyu dana wàcc ngir jox ko ci alal ji fi dëkkandóo bàyyi ginnaaw ba mu faatoo.

Hadeeth benefits

  1. Màggaayu àqi dëkkandóo, ak warteefu sàmmoonte ak loolu.
  2. Feddali àqi dëkkandóo ci di baamtu ndénkaane li, day waral ñu koy teral ak di ko bëgg di rafetal jëme ci moom, di jeñal lor, ak di ko seeti bu feebaree, di ko ndokkeel bu amee mbégte, di koo jaale bu amee musiba.
  3. Lu buntu dëkkandóo gën a jege àqam di gën a feddaliku.
  4. Matug Sariiha moo ngi ci li mu indi ci yéwénal mbooloo mi ci rafetal jëme ci dëkkandóo yi ak di leen fegal lor.