/ way-maandu ñi de fa Yàlla danañu nekk ci kaw i minbari leer, nekk ca ndeyjooru Yàlla Aji-Yërëme ju màgg ji te tedd te yaari loxoom yépp ndeyjoor la

way-maandu ñi de fa Yàlla danañu nekk ci kaw i minbari leer, nekk ca ndeyjooru Yàlla Aji-Yërëme ju màgg ji te tedd te yaari loxoom yépp ndeyjoor la

Jële nañu ci Abdullah Ibn Amr -yal na leen Yàlla dollee gërëm- mu wax ne: Yónente Yàlla bi -yal na ko Yàlla dolli xéewal ak mucc- nee na: "way-maandu ñi de fa Yàlla danañu nekk ci kaw i minbari leer, nekk ca ndeyjooru Yàlla Aji-Yërëme ju màgg ji te tedd te yaari loxoom yépp ndeyjoor la, ñooñu ñooy ñiy Mandu ca séen i àtte ak séen i njaboot ak lépp lu ñu méngoo».
Muslim soloo na ko

Explanation

Yónente bi -yal na ko Yàlla dolli xéewal ak mucc- day xamle ne ñi nga xam ne dañuy àtte nit ñi nekk ci séen suufu kilifteef cig maandu ak dëgg, ak ci séen i àtte ak séen i njaboot, ñoom de danañu toog ci ay baŋ yu kawe te yëkkëtiku di yu ñu bind cig leer, ngir teral leen ëllëg bis-pénc. Te minbar yii ca ndeyjooru Yàlla Aji-Yërëme ju kawe ji lay nekk, te yaari loxoom yépp -tudd naa sellam ga- ndeyjoor la.

Hadeeth benefits

  1. Ngëneelu maandu ak soññee ca.
  2. Maandu lu matale la day làmboo mbooleem kilifteef ya, ak àtte ya ca diggante nit ña, ba ci sax maandu ci diggante jabar yi ak doom yi ak lu dul loolu.
  3. Leeral dayob aji-maandu yi ëllëg bis-pénc.
  4. Rawanteg darajay way-gëm ñi ëllëg bis-pénc, ku ci nekk ak kem jëfam.
  5. Xemmemloo kigay woo dafa bokku ci doxaliinu woote yi ngir ki ñiy woo man a xeemem topp Yàlla.