/ ñi gën ci yéen mooy ña ca gën a rafet jikkó

ñi gën ci yéen mooy ña ca gën a rafet jikkó

Jële na ñu ci Abdullah Ibn Amr -yal na leen Yàlla dollee gërëm- mu wax ne: Yónente bi -yal na ko Yàlla dolli xéewal ak mucc-nekkul woon ku ñaawi wax mbaa jëf, daa na wax naan: « ñi gën ci yéen mooy ña ca gën a rafet jikkó».
Al-buxaariy ak Muslim dëppoo nañu ci génnee ko ci seen ñaari téere yi gën a wér

Explanation

Bokkul woon ci jikkóy Yónente bi -yal na ko Yàlla dolli xéewal ak mucc- wax ju ñaaw, walla jëf ju ñaaw, te daawu ko jublu it mbaa mu koy tay, ndax moom Yónente bi -yal na ko Yàlla dolli xéewal ak mucc- boroom jikkó yu màgg la. Yónente bi -yal na ko Yàlla dolli xéewal ak mucc- daa na wax naan: ki gën ci yéen fa Yàlla mooy ki gën a rafet jikkó, ci def njekk, ak leeral xar kanam, ak téye lor te muñal nit ñi, ak jaxasoo ak nit ñi ca na mu rafete.

Hadeeth benefits

  1. Bokk na ci njariñal hdiis bi: War na ci aji-gëm ji mu sori lu ñaaw moo xam wax ju ñaaw la mbaa jëf ju ñaaw.
  2. Matug jikkoy Yónente Yàlla bi -yal na ko Yàlla dolli xéewal ak mucc-, dara daawul juge ci moom lu dul jëf ju sell ak wax ju teey.
  3. Jikkó ju baax mooy barabu rawante ga, ndax ku jiitu rekk bokk ca way-gëm ya gën, te gën a mat sëkk ag ngëm.