Ислом элчиси –Муҳаммад соллаллоҳу алайҳи ва саллам

«Ислом элчиси Муҳаммад соллаллоҳу алайҳи васаллам» номли китоб Пайғамбаримиз Муҳаммад соллаллоҳу алайҳи ва салламнинг ҳаётларини ёритади — насаблари, болалик даврлари, муборак никоҳлари, ваҳийнинг бошланиши ва У зотга юборилган охирги рисолат ҳақида сўз юритилади. Китобда Пайғамбарликнинг мўъжизалари ва У зотнинг ростгўйлигига далолат қилувчи аломатлар баён этилади. Шунингдек, У зот келтирган шариат ва унинг инсон ҳуқуқлари ҳамда қадр-қимматини сақлашдаги аҳамияти тушунтирилади. Китобда Пайғамбаримизнинг душманлари томонидан берилган гувоҳликлар ҳам келтирилиб, у зотнинг юксак хулқлари таърифланади — бу хулқлар Муҳаммад соллаллоҳу алайҳи васалламни барча учун ибратли шахс ва ягона Раббни танитишга даъват этувчи етакчи қилиб кўрсатиб берилган.