/ Tunay na si Allāh ay nagpalampas sa Kalipunan ko ng anumang isinaysay nito sa sarili nito hanggat hindi nito ginawa o sinalita."}

Tunay na si Allāh ay nagpalampas sa Kalipunan ko ng anumang isinaysay nito sa sarili nito hanggat hindi nito ginawa o sinalita."}

Ayon kay Abū Hurayrah (malugod si Allāh sa kanya): {Ayon sa Propeta (basbasan siya ni Allāh at pangalagaan) na nagsabi: "Tunay na si Allāh ay nagpalampas sa Kalipunan ko ng anumang isinaysay nito sa sarili nito hanggat hindi nito ginawa o sinalita."}
Napagkaisahan ang katumpakan

Ang pagpapaliwanag

Nagpapabatid ang Propeta (basbasan siya ni Allāh at pangalagaan) na ang Muslim ay hindi pinananagot dahil sa sanaysay sa sarili na kasamaan bago ng paggawa nito o pagsasalita nito yayamang pinawi ni Allāh ang kaasiwaan at pinagpaumanhinan Niya. Hindi nagpanagot si Allāh sa Kalipunan ni Muḥammad (basbasan siya ni Allāh at pangalagaan) dahil sa natagpuan sa isip at nagpabalik-balik sa sarili nang hindi siya napapanatag dito at nanatili sa kanya. Kung nanatili ito sa puso niya gaya ng pagmamalaki o kapalaluan o pagpapaimbabaw o paggawa ng mga bahagi ng katawan niya o nagsabi siya sa pamamagitan ng dila niya, tunay na siya ay pananagutin dahil doon.

Hadeeth benefits

  1. Si Allāh (napakamapagpala Siya at napakataas) ay nagpalampas at nagpaumanhin sa mga ideya at mga naiisip na sumasagi sa sarili saka nagsasanaysay ang tao ng mga ito sa sarili niya at nagdaraan ang mga ito sa isipan niya.
  2. Ang diborsiyo, kapag nakaisip nito ang tao at nalahad ito sa isipan niya subalit siya ay hindi nagsalita nito at hindi sumulat nito, ay hindi naituturing na isang diborsiyo.
  3. Ang sanaysay sa sarili ay hindi pinananagot dahil dito ang tao gaano man kabigat ito hanggat hindi ito nananatili sa sarili niya, hindi siya gumagawa nito, at hindi siya nagsasalita nito.
  4. Ang kadakilaan ng halaga ng Kalipunan ni Muḥammad (basbasan siya ni Allāh at pangalagaan) dahil sa pagkakatangi nito sa hindi pagpapanagot dahil sa sanaysay sa sarili, na kasalungatan sa mga kalipunan bago natin.