/ Ai është një shejtan që quhet Hinzeb. Kur ta vëresh praninë e tij, kërko mbrojtjen e Allahut kundrejt tij dhe pështyj tri herë lehtë nga ana jote e majtë!

Ai është një shejtan që quhet Hinzeb. Kur ta vëresh praninë e tij, kërko mbrojtjen e Allahut kundrejt tij dhe pështyj tri herë lehtë nga ana jote e majtë!

Othman ibn Ebul-Asi (Allahu qoftë i kënaqur me të) shkoi te Profeti ﷺ dhe i tha: "O i Dërguari i Allahut! Shejtani po ndërhyn mes meje e namazit dhe leximit tim nga Kurani, si dhe po m'i ngatërron." Profeti ﷺ i tha: "Ai është një shejtan që quhet Hinzeb. Kur ta vëresh praninë e tij, kërko mbrojtjen e Allahut kundrejt tij dhe pështyj tri herë lehtë nga ana jote e majtë!" Më pas Othmani tha: "Ashtu veprova dhe Allahu ma largoi atë."
E shënon Muslimi

Shpjegimi

Othman ibn Ebul-Asi (Allahu qoftë i kënaqur me të!) shkoi te Profeti ﷺ dhe i tha: "O i Dërguar i Allahut, shejtani ka ndërhyrë mes meje e namazit tim dhe më ka penguar që të jem i përkushtuar, si dhe ma ngatërroi leximin e (Kuranit) dhe më bëri të dyshoja." Atëherë i Dërguari i Allahut ﷺ i tha: "Ky është një shejtan, që quhet Hinzeb, andaj, nëse e vëren praninë e tij, kërko strehim tek Allahu që të të ruajë prej tij, si dhe fryj tri herë në anën tënde të majtë me pak pështymë." Othmani tha: "Veprova siç më urdhëroi Profeti ﷺ dhe Allahu ma largoi atë."

Hadeeth benefits

  1. Rëndësia e përkushtimit dhe përshpirtshmërisë gjatë namazit, dhe se shejtani përpiqet ta shpërqendrojë (namazliun) dhe të hedhë dyshime mbi të.
  2. Rekomandohet të kërkojmë mbrojtje tek Allahu, të na ruajë nga shejtani, kur ai pëshpërit gjatë namazit, si dhe të pështyjmë në të majtë tri herë.
  3. Sqarimi i gjendjes në të cilën ishin sahabët (Allahu qoftë i kënaqur me ta!), sepse ata ktheheshin te Profeti ﷺ në lidhje me problemet që u ndodhnin, në mënyrë ai t'ua zgjidhte.
  4. Zemrat e sahabëve kishin gjallëri dhe brenga e tyre ishte ahireti.