/ “Ai që i respekton kufijtë e Allahut dhe ai që i shkel ata i shëmbëllejnë një populli që kanë vënë short për një anije. Njëri grup (sipas shortit) qëndroi sipër (në kuvertë), kurse tjetri poshtë (në hambar)

“Ai që i respekton kufijtë e Allahut dhe ai që i shkel ata i shëmbëllejnë një populli që kanë vënë short për një anije. Njëri grup (sipas shortit) qëndroi sipër (në kuvertë), kurse tjetri poshtë (në hambar)

Numan ibn Beshiri (Allahu qoftë i kënaqur me të!) transmeton se Profeti ﷺ ka thënë: “Ai që i respekton kufijtë e Allahut dhe ai që i shkel ata i shëmbëllejnë një populli që kanë vënë short për një anije. Njëri grup (sipas shortit) qëndroi sipër (në kuvertë), kurse tjetri poshtë (në hambar). Këta, që ishin poshtë, atyre që ishin sipër, u kërkonin ujë për të pirë dhe thanë: "Sikur të shponim një vrimë në pjesën tonë, më s'do t'i bezdisnim këta sipër nesh." Nëse ata sipër do t'i lejonin të vepronin atë që dëshironin këta, atëherë do të shkatërroheshin të gjithë, por, nëse do t'i ndalonin, do të shpëtonin të gjithë.”
E shënon Buhariu

Shpjegimi

Profeti ﷺ në këtë hadith solli shembull për ata që i respektojnë kufijtë e Allahut, që i përmbahen urdhrit të Tij, që urdhërojnë të mirën, që ndalojnë të keqen, dhe shembull për ata që i shkelin kufijtë e Allahut, që braktisin të mirën, e që e veprojnë të keqen, si dhe ndikimin e kësaj në shpëtimin e shoqërisë, me shembullin e një populli që hipën në një anije dhe hodhën short se kush do të qëndrojë sipër anijes dhe kush do të qëndrojë poshtë saj. Disave u ra pjesa e sipërme e disave pjesa e poshtme, kështu që ata që ishin poshtë, nëse donin të merrnin ujë, kalonin pranë atyre që ishin sipër. Ata që ishin poshtë, thanë: "Sikur ta kishim bërë një vrimë në vendin tonë poshtë, për të nxjerrë prej saj (ujë), në mënyrë që të mos i bezdisim ata sipër nesh." Nëse ata që ishin sipër do t'i lejonin ta bënin këtë, anija do të ishte fundosur me të gjithë ata, e sikur t'i kishin ndaluar dhe penguar, të dyja grupet do të kishin shpëtuar.

Hadeeth benefits

  1. Rëndësia e urdhërimit për të mirën dhe ndalimit nga e keqja për ruajtjen dhe shpëtimin e shoqërive.
  2. Një nga metodat e mësimdhënies është edhe sjellja e shembujve, për t'i përafruar kuptimet në mendje me një imazh konkret.
  3. Veprimi i së keqes së dukshme duke mos e e refuzuar është gjë e dëmshme, që faktikisht ky dëm u kthehet të gjithëve.
  4. Shkatërrimi i shoqërisë vjen si pasojë, nëse të ligjtë lihen të bëjnë çrregullime në Tokë.
  5. Veprimi i gabuar dhe qëllimet e mira nuk mjaftojnë që një vepër të jetë në rregull.
  6. Përgjegjësia në shoqërinë islame është kolektive dhe nuk i lihet vetëm një individi të caktuar.
  7. Masa e gjerë e njerëzve dënohet për shkak të mëkateve individuale, nëse nuk refuzohen.
  8. Të ligjtë e shfaqin të keqen e tyre në mënyrë të mirë për shoqërinë, ashtu si bëjnë hipokritët.