/ labadaba waa lacadaabayaa, wax wayna lagu cadaabimaayo, mid kaadida iskama duwi jirin, kan kalena dadka ayuu warka u kala qaadi jiray

labadaba waa lacadaabayaa, wax wayna lagu cadaabimaayo, mid kaadida iskama duwi jirin, kan kalena dadka ayuu warka u kala qaadi jiray

Ibnu Cabaas-Allaha ka raali ahaadee- wuxuu yiri: Nabiga -naxariis iyo nabadi korkiisa ha ahaatee-ayaa soo maray laba qabri, wuxuuna yiri: "labadaba waa lacadaabayaa, wax wayna lagu cadaabimaayo, mid kaadida iskama duwi jirin, kan kalena dadka ayuu warka u kala qaadi jiray" wuxuuna soo qaatay laan timireed qoyan wuuna u kala dilaaciyey labo qaybood, qabri walbana qaybuu ku talaalay, waxay dheheen-asaxaabtii-: Rasuulka Ilaahayow maxaad sidaa u samaysaa? wuxuu yiri: "waxaa laga yaaba inay ka khafiifiyaan intaysan qalalin.
Xadiis la isku waafaqay

Sharaxaad

Nabiga-naxariis iyo nabadi korkiisa ha ahaatee- ayaa soo maray laba qabri wuxuuna yiri: Labada qof ee qabriyadan ku jira waa la cadaabayaa, wax wayna lagu cadaabimaayo aragtidiina, wax wayn bayna ka tahay xaga Ilaahay. Midkood wuxuu ahaa midaan danaynayn inuu ka ilaaliyo jirkiisa iyo dharkiisa kaadida markuu xaajo gudanaayo. kan kalena dadka ayuu warka u kala qaadi jiray, isagoo ay ka tahay iska horkeenid, dhibaatayn iyo inay isku dhacaan dadku.

Hadeeth benefits

  1. Namiimada iyo kaadida oo aan la ka dhawrin waxay ka mid yihiin dambiyada waawayn iyo asbaabta cadaabta qabriga.
  2. Waxyaabaha qaybka ah qaarkood oo Ilaahay muujiyey -sida cadaabta qabriga- waxay cadayn u tahay calaamada nabinimada Nabiga scw.
  3. Ficilka uu Nabigu sameeyey ee ah kala jeexida laanta timirta ah ee uu ka taagay qabriga waxay khaas u tahay Nabiga-naxariis iyo nabadi korkiisa ha ahaatee-, waayo Ilaahay ayaa tusay xaalka labadaa qof ee qabriga jira, loogana qiyaas qaadan maayo cid kale, waayo qofna ma oga xaalka dadka qabriga ku jira.