जब नबी (सल्लल्लाहु अलैहि वसल्लम) नमाज आरम्भ गर्न तकबीर भन्नुहुन्थ्यो, सूरह फातिहा पढ्नु अघि केही बेर मौन रहनुहुन्थ्यो । यस अन्तरालमा उहाँले केही दुआ (प्रार्थना) हरूद्वारा आफ्नो नमाज सुरु गर्नुहुन्थ्यो । यी मध्ये एक हो: "अल्लाहुम्म बाइद् बैनी व बैन खता-याय, कमा बाअत्त बैनल्-मश्रिकि वल्मग्रिब्, अल्लाहुम्म नक्किनी मिन् खता-याय, कमा युनक्कस्सौबुल्-अब्यजु मिनद् दनस, अल्लाहुम्-मग्सिल्नी मिन् खता-याय बिस्सल्जि वल्-माइ वल्-बरद् ।" हे अल्लाह ! मलाई मेरा पापहरूबाट त्यत्तिकै टाढा राख्नुहोस् जसरी तपाईंले पूर्व र पश्चिमलाई टाढा राख्नुभएको छ । हे अल्लाह ! मलाई मेरो पापहरूबाट त्यसरी नै स्वच्छ र शुद्ध पार्नुहोस् जसरी सेतो कपडाबाट फोहर र दाग सफा गरिन्छ । हे अल्लाह ! मेरा पापहरूलाई हिउँ, पानी र असिनाले धोइदिनुहोस् ।