नबी (सल्लल्लाहु अलैहि वसल्लम) लाई सोधियो, सबैभन्दा ठूलो पाप के हो? उहाँले भन्नुभयो: सबैभन्दा ठूलो पाप शिर्क अकबर (बहु ईश्वरवाद) हो । शिर्क अकबर भनेको अल्लाहको उलूहीयत (ईश्वरत्व) मा वा रूबुबीयत (प्रभुत्व) मा वा अस्मा व सिफात (उहाँको नाम र विशेषताहरू) मा कुनै सहभागी ठहर गर्नु वा उहाँको बराबरीमा अरु कसैलाई ठान्नु हो । अल्लाहले पश्चात्ताप बिना यो पाप माफ गर्नुहुन्न । यदि कोही शिर्कको अवस्थामा मर्छ भने ऊ सधैं नरकमा रहन्छ । त्यसपछि दोस्रो ठूलो पाप भनेको आफ्नो बच्चालाई खाने खर्चको डरले मार्नु हो । हत्या गर्नु त्यत्तिकै ठूलो पाप हो, त्यसमाथि पीडित र हत्याराको रगतको नाता छ भने यो पाप झनै ठूलो हुन्छ । त्यसैगरी हत्याको पछाडी अल्लाहले प्रदान गर्नुएको भोजन खान्छ भन्ने डर लुकेको हुँदा पाप अझ ठूलो हुन्छ । तेस्रो ठूलो पाप भनेको आफ्नो छिमेकीकी श्रीमतीलाई बहकाएर अनि प्रलोभनमा पारेर व्यभिचार गर्नु हो । जिना (व्यभिचार) गर्नु निषेधित हो, त्यसमाथि छिमेकीकी श्रीमतीसँग जिना गर्दा यसको पाप अझै बढ्छ, किनभने शरियतले छिमेकीसँग राम्रो व्यवहार गर्न आदेश दिएको छ ।