/ जब रसूल (सल्लल्लाहु अलैहि वसल्लम) ले गुस्ल जनाबत गर्नुहुन्थ्यो, तब उहाँले आफ्ना दुवै हात धुनुहुन्थ्यो र नमाजको लागि वुजू गरे झैं वुजू गर्नुहुन्थ्यो, त्यसपछि गुस्ल गर्नुहुन्थ्यो...

जब रसूल (सल्लल्लाहु अलैहि वसल्लम) ले गुस्ल जनाबत गर्नुहुन्थ्यो, तब उहाँले आफ्ना दुवै हात धुनुहुन्थ्यो र नमाजको लागि वुजू गरे झैं वुजू गर्नुहुन्थ्यो, त्यसपछि गुस्ल गर्नुहुन्थ्यो...

उम्मुल-मुमिनीन आइशा (रजियल्लाहु अन्हा) ले बयान गरेकि छिन्: जब रसूल (सल्लल्लाहु अलैहि वसल्लम) ले गुस्ल जनाबत गर्नुहुन्थ्यो, तब उहाँले आफ्ना दुवै हात धुनुहुन्थ्यो र नमाजको लागि वुजू गरे झैं वुजू गर्नुहुन्थ्यो, त्यसपछि गुस्ल गर्नुहुन्थ्यो । त्यसपछि आफ्नो हातले कपाललाई राम्रोसँग मलेर जरासम्म पानी पुर्याउनु हुन्थ्यो र छाला भिजिसकेको आभास हुनसाथ आफुमाथि तीन पटक पानी खन्याएर पुरै शरीरलाई धुनुहुन्थ्यो । उनले भनिन्: म र अल्लाहका रसूल (सल्लल्लाहु अलैहि वसल्लम) एउटै भाँडोबाट पानी लिन्थ्यौं र सँगै नुहाउने गर्दथ्यौं ।

बुखारीले वर्णन गरेका छन्

Explanation

नबी (सल्लल्लाहु अलैहि वसल्लम) ले गुस्ल जनाबत गर्दा पहिले आफ्ना दुवै हात धुनुहुन्थ्यो । त्यसपछि उहाँले नमाजको लागि वुजू गरे झैं वुजू गर्नुभयो । त्यसपछि आफ्नो शरीरमा पानी हाल्नुभयो । त्यसपछि आफ्नो दुवै हातले आफ्नो कपाललाई राम्ररी मलेर भित्रसम्म पानी पुर्याउनु भयो । कपालको जरासम्म पानी पुगेको र टाउको भिजेको महसुस हुँदा आफ्नो टाउकोमा तीन पटक पानी हालेर शरीरको बाँकी भाग धुनुभयो । आइशा (रजियल्लाहु अन्हा) ले भनिन्: म र अल्लाहका रसूल (सल्लल्लाहु अलैहि वसल्लम) एउटै भाँडोमा नुहाउने गर्दथ्यौं र हामी दुवै जना सँगै पानी लिन्थ्यौं ।

Hadeeth benefits

"ग़ुस्ल दुई प्रकारको हुन्छ: एक, पर्याप्त हुने र अर्को, पूर्ण। पर्याप्त ग़ुस्लमा व्यक्ति पवित्रताको नीयत गर्दछ, अनि शरीरभरि पानी लगाउँछ, जसमा कुल्ला र नाकमा पानी तान्न पनि समावेश हुन्छ। तर पूर्ण ग़ुस्लमा ग़ुस्ल त्यसरी गरिन्छ, जसरी यस हदीसमा पैगम्बर सल्लल्लाहु अलैहि व सल्लमले ग़ुस्ल गर्नुभयो।"
"जनाबत (अपवित्रता) त्यस व्यक्तिलाई भनिन्छ जसले मनी (वीर्य) स्राव गरेको छ, अथवा त्यस्तो व्यक्तिलाई पनि जसले सहवास (सम्भोग) गरेको छ, चाहे मनी स्राव भएको होस् वा नभएको।"
पति पत्नीले एकअर्काको गोप्य अंगहरू हेर्नु र एउटै भाँडोमा नुहाउनु जायज हो ।