नबी (सल्लल्लाहु अलैहि वसल्लम) ले तहारत (पवित्रता) का केही नियमहरुको व्याख्या गर्नुभएको छ, जस्तै: १- वुजू गर्ने व्यक्तिले एक श्वासद्वारा नाकमा पानी हाल्नु पर्छ त्यसपछि अर्को श्वासद्वारा बाहिर छोड्नुपर्छ । २- दिसापिसाब गरेपछि पानी बाहेक अन्य वस्तु जस्तै ढुङ्गा इत्यादिले मलमूत्रलाई सफाई गर्न चाहने व्यक्तिले बिजोर संख्यामा ढुङ्गा आदि प्रयोग गर्नुपर्छ । न्यूनतम संख्या तीन हो र अधिकतम संख्या जतिमा फोहर र स्थान पवित्र होस् । ३- राती सुतेर उठ्ने व्यक्तिले वुजू गर्न भाँडामा हात हाल्नु अघि आफ्नो हात तीन पटक बाहिर धुनुपर्छ । किनकि सुतिरहेको अवस्थामा उसको हात कहाँ कहाँ पुग्यो उसलाई थाहा हुँदैन । यस्तो अवस्थामा उसको हातमा फोहोर हुने सम्भावना रहन्छ । त्यस्तै शैतानले उसको हातसंग खेलवाड गरेको वा मानवको लागि हानिकारक वा पानी प्रदूषित गर्ने केही चीज उसको हातमा राखेको हुनसक्छ ।