नबी (सल्लल्लाहु अलैहि व सल्लम)ले हजरत आइशा (रजियल्लाहु अन्हा)लाई केही संक्षिप्त दुआहरू सिकाउनु भयो । तीमध्ये चार यी हुन् : पहिलो : हरेक भलाइ समेटेको एउटा दुआ : (اللهم إني أسألك من الخير كله) हे अल्लाह! म तपाईँसित हरेक प्रकारको कल्याण माग्दछु । तत्कालका लागि होस् वा भविष्यका लागि होस् । जो तपाईँले मलाई सिकाउनु भएको भएर मलाई थाहा छन् वा छैनन् र पनि हजुरको पवित्र अस्तित्वलाई थाहा छ । यसमा मामिलालाई अल्लाह, जो सर्वज्ञानी, सुक्षमदर्शी र जानकार छन्, उहाँमाथि सुम्पिनु समावेश छ, ताकि अल्लाह आस्थावान मुसलमानका लागि सबैभन्दा उत्तम र लाभदायक कुरा चयन गर्नुहोस्। (وأعوذ) र म हरेक प्रकारका छिटो आउने वा ढिलो आउने, मलाई थाहा भएका वा नभएका हरेक कुराबाट तपाईँको शरण माग्दछु । दोस्रो दुआ : यो यस्तो दुआ हो जसमा मुसलमान दुआमा सीमा नाघ्नबाट सुरक्षित रहन्छ । "اللَّهُمَّ إِنِّي أَسْأَلُكَ مِنْ خَيْرِ مَا سَأَلَكَ عَبْدُكَ وَنَبِيُّكَ، وَأَعُوذُ بِكَ مِنْ شَرِّ مَا عَاذَ بِهِ عَبْدُكَ وَنَبِيُّكَ" : हे अल्लाह ! म तपाईँसित त्यो भलाइको माग गर्दैछु जो तपाईँका भक्त र तपाईँका नबी(सल्लल्लाहु अलैहि व सल्लम)ले माग्नु भएको छ । अनि म तपाईँसित त्यो खराबीबाट शरण माग्दछु जससित तपाईँका भक्त र नबी(सल्लल्लाहु अलैहि व सल्लम)ले शरण माग्नु भएको छ । यसमा अल्लाह सित दुआ गरिएको छ कि यो दुआ गर्ने वालाका लागि अल्लाह तआलाले ती भलाईहरू प्रदान गरून् जो नबी मुहम्मद (सल्लल्लाहु अलैहि व सल्लम)ले आफ्ना लागि माग्नु भएको छ । विभिन्न प्रकारका दुआहरू नगनाइकन जो उहाँले माग्नु भएको छ भनेर भनियो । तेस्रो दुआ : जन्नत जान पाउने माग र आगो (नरक)बाट टाढा गरिनका लागि दुआ जो हरेक मुसलमानको उद्देश्य र उसको कर्मको ध्येय हो । (اللهم إني أسألك الجنة، وَمَا قَرَّبَ إِلَيْهَا مِنْ قَوْلٍ أَوْ عَمَلٍ، وَأَعُوذُ بِكَ مِنْ النَّارِ، وَمَا قَرَّبَ إِلَيْهَا مِنْ قَوْلٍ أَوْ عَمَلٍ۔) : हे अल्लाह ! म हजुरसित स्वर्गको माग गर्दछु र तपाईँलाई खुसी बनाउने वाला हरेक ती कर्म र बोलहरूको पनि अवसर पनि माग्छु जो जन्नत (स्वर्ग) नजिक गरि दिन्छन् । र म तपाईँसित आगो (नर्क)बाट रक्षा चाहन्छु र तपाईँलाई रिस उठ्ने हरेक प्रकारका कर्म र कुराहरूबाट जसले नर्क नजिक पुर्याउँछन् शरण माग्दछु । चौथो दुआ : अल्लाहका हरेक फैसलामा राजीखुसी रहने दुआ । "وأسألك أن تجعل كل قضاء قضيتَه لي خيرًا۔" म तपाईँसित मेरा निमित्त तपाईँले गर्नु भएका हरेक फैसलालाई उत्तम बनाइ दिनु होस् भनेर माग गर्दछु । यो अल्लाहको चाहनामा सन्तुष्ट रहनका लागि दुआ हो ।