नबी (सल्लल्लाहु अलैहि वसल्लम) ले एउटा दुआ गर्नुभयो, जसमा उहाँले उत्तम गुणहरूको आधारभूत पक्षलाई समेट्नुभयो, जुन उहाँलाई पूर्ण गर्न पठाइएको थियो। यसमा धर्म, संसार र परलोकको सुधार समावेश थियो। यो छोटो तर महत्वपूर्ण वाक्यमा यी तीनै पक्षहरूको सुधारको माग गरियो। उहाँले धर्मको सुधारबाट सुरु गर्नुभयो, किनभने यही सुधारले संसार र परलोक दुवैको स्थिति सुधार गर्दछ। (اللهم أصلح لي ديني) अर्थात् : हे अल्लाह ! मेरा लागि मेरो धर्मलाई ठीक बनाइ दिनु होस् । यस प्रकार कि यसका हरेक नियमहरू पूरा गर्ने अवसर प्रदान होस् । (الذي هو عصمة أمري) अर्थात् : जससित मेरा हरेक सुरक्षा जोडिएको छ । मेरो धर्म भ्रष्ट भयो भने मेरा हरेक कामहरू बिग्रिन्छन् र म असफल र विफल हुन्छु । साथै ताकेको दीन (धर्म) पनि र यस लोक (को अवस्था) ठीक रहेन भने पूरा हुन्न । त्यसैले उहाँ ले भन्नु भयो : (وأصلح لي دنياي) मेरा लागि मेरो सांसारिक जीवनलाई ठीक राखि दिनु होस्,यस प्रकार कि मलाई स्वास्थ्य र तन्दुरुस्ती, शान्ति, जीवरस, शिष्ट श्रीमती, भद्र सन्तान र आवश्यक हरेक कुरा प्रदान गरि दिनु होस् । यो सबै चिजहरू हलाल होऊन् र यिनबाट तपाईँको उपासनामा सहायता मिलोस् । फेरि सांसारिक सुधारका लागि दुआ माग्नुको कारण बताउँदै भन्नु भयो : (التي فيها معاشي) जसमा मलाई बाँच्नु छ र जीवन बिताउनु छ । (وأصلح لي آخرتي التي فيها معادي) मेरा लागि मेरो मरण पश्चातको जीवनलाई ठीक बनाइ दिनु होस् जहाँ मलाई फर्केर जानु छ र तपाईँ सित भेट्नु छ । तर यो तब मात्र हुन सक्छ जब कर्महरू ठीक हुन्छन् र अल्लाहका तर्फबाट भक्तको उपासना, विशुद्धता र उत्तम मरणको अवसर मिलेको हुन्छ । नबी(सल्लल्लाहु अलैहि व सल्लम)ले परलोक पछि यस लोकको बारेमा बताउनु भयो । यो जीवन सुध्रिनु भनेको परलोक सुध्रिने खुड्किलो हो । जसले यस लोकको जीवनलाई अल्लाहको चाहना अनुसार बितायो उसको परलोक सुध्रियो । (واجعل الحياة) - र मेरो पूरा जीवन, (زيادة لي في كل خير) - यसलोकको जीवनलाई मेरा निमित्त हरेक भलो कुरामा वृद्धिको कारण बनाइ दिनु होस् कि यसमा मैले धेरै भन्दा धेरै पुण्य कमाउन सकूँ, (واجعل الموت) - मृत्यु र काल आउनमा , (راحة لي من كل شرٍّ)- मेरा लागि हरेक खराबी, लफडा, परिक्षण, पाप र लापरबाहीबाट ढुक्क भएर आनन्द लिन पाउने कारण र यो संसार र यसका झन्झटहरूबाट मुक्तिको माध्मय बनाइ दिनु होस् ।