नबी (सल्लल्लाहु अलैहि वसल्लम) ले चरा वा जनावर वा अपाङ्गता भएका व्यक्तिहरू वा संख्या वा दिनहरू आदि जस्ता सुन्न वा देख्न सकिने कुनै पनि चीजबाट अशुभ चिन्हहरू लिन विरुद्ध चेतावनी दिनुभएको छ । जाहिलियत (इस्लाम पूर्व) युगमा चराबाट अशुभ संकेत लिनु सामान्य कुरा भएकोले यहाँ चरा उल्लेख गरिएको छ । अरबहरूले यात्रा, व्यापार वा कुनै पनि काम सुरु गर्न चाहँदा चरा उडाउने गर्थे । चरा दायाँतर्फ उड्यो भने शुभ शगुन मानेर त्यो काम गर्थे । तर बायाँतर्फ उड्यो भने, अशुभ मानेर चाहेको कुराबाट पछि हट्ने गर्थे । उहाँले यसलाई शिर्क भन्नुभयो, किनभने राम्रो ल्याउने र नराम्रो कुराबाट बचाउने अल्लाह बाहेक कोही छैन । अब्दुल्लाह बिन मसुद (रजियल्लाहु अन्हु) ले भने, कहिलेकाहीँ मुस्लिमको हृदयमा केही अशुभ कुरा आउँछ । यस्तो अवस्थामा अल्लाहमा भरोसा राखेर त्यसलाई हटाउनुपर्छ र साथसाथै साधनहरू प्रयोग गर्नुपर्छ ।