नबी(सल्लल्लाहु अलैहि वसल्लम)ले जसले लसुन वा प्याज खाएको छ, उनलाई मस्जिदमा नआउने आदेश दिनु भएको छ । कतै उसले जमातको नमाजमा उपस्थित भएका भाइहरूलाई उसको दुर्गन्धले कष्ट नहोस् । यो मनाही मस्जिदमा आउनका निमित्त (तन्जिही) मनाही हो । यी खान हुँदैन भनेर होइन । किन कि ती खानेकुराहरू वैध हुन् । उहाँ(सल्लल्लाहु अलैहि वसल्लम) निर एउटा भाँडो ल्याइयो जसमा तरकारी थियो । तर जब उहाँले त्यसमा दुर्गन्ध महसुस गर्नुभयो र त्यसमा यो छ भनेर बताइयो, उहाँले आफूले खानु नभएर खुवाउन उहाँका एक जना साथी तिर बढाइ दिनु भयो । उनले त्यसैले उहाँको अनुकरण गर्दै खाना मन पराएनन् , तर उहाँले (सल्लल्लाहु अलैहि वसल्लम)उनलाई (नखाएको) देखेर भन्नु भयो : तिमी त खाऊ ; म चाहिँ वह्यी ल्याउने वाला फरिश्तासँग कुराकानी गर्छु । ( त्यसैले म खान्न ) उहाँले बताउनु भयो कि गन्हाउने बस्तुबाट फरिश्ताहरूलाई पनि यसरी नै कष्ट हुन्छ जसरी मान्छेहरुलाई हुन्छ ।