नबी (सल्लल्लाहु अलैहि वसल्लम) ले एक पुरुषले अर्को पुरुषको गुप्तांगलाई हेर्न वा एक महिलाले अर्को महिलाको गुप्तांगलाई हेर्न निषेध गर्नुभएको छ । हदीसमा उल्लेखित अरबी शब्द "औरह" (पर्दा) ले शरीरको त्यो भागलाई जनाउँछ, जुन देख्दा लाज लाग्छ । पुरुषको पर्दा : नाभि र घुँडा बीचको भाग हो । जबकि महिलाको सम्पूर्ण शरीर गैर-महरम पुरुषहरूका लागि पर्दा हो । तर महिला र महरम पुरुषहरूको अगाडि उनले शरीरका ती अंगहरू प्रकट गर्न सक्छन्, जुन सामान्यतया घरमा काम गर्दा देखिन्छ । नबी (सल्लल्लाहु अलैहि वसल्लम) ले एक पुरुषले अर्को पुरुषसँग एउटै लुगामा वा एउटै कम्बलमा नग्न बस्न वा एक महिलाले अर्को महिलासँग एउटै लुगामा वा एउटै कम्बलमा नग्न बस्न निषेध गर्नुभयो । किनभने यसले एकअर्काको गोप्य अंग छोएको हुन सक्छ र छुन पनि हेर्ने जस्तै निषेधित छ । बरु यो झन् खतरनाक हो, किनभने यसले धेरै ठूलो खराबीहरू निम्त्याउन सक्छ ।