- कुर्बानी (बलिदान) को वैधानिकता र सम्पूर्ण मुस्लिमहरूको यसमा सर्वसम्मति रहेको छ ।
- नबी (सल्लल्लाहु अलैहि वसल्लम) ले जुन जनावरको कुर्बानी दिनुभएको छ त्यसैको कुर्बानी गर्नु उत्कृष्ट हो; किनभने त्यो आकर्षक हुनुको साथ यसको बोसो र मासु राम्रो हुन्छ ।
- इमाम नववीले भने: आफ्नो कुर्बानी आफ्नो हातले जबह गर्नु मुस्तहब हो । तर कुनै जायज कारणले वकील बनाउनु अनुमति छ र यस्तो अवस्थामा त्यहाँ उपस्थित हुनुपर्छ वा कुनै मुस्लिमलाई नियुक्त गर्नु जायज हो र यसमा कुनै मतभेद छैन ।
- इब्ने हजरले भने: जबह (वध) गर्दा बिस्मिल्लाहको साथ "अल्लाहु अकबर" भन्नु र जनावरको दाहिने काँधमा खुट्टा राख्नु मुस्तहब हो । त्यसैले जनावरलाई भुइँमा बायाँ पट्टी राख्ने र आफ्नो खुट्टा उसको दाहिने छेउमा राख्नुपर्छ भन्नेमा सम्मति छ, ताकि जबह गर्नेलाई दायाँ हातले चक्कु समात्न र देब्रे हातले टाउको समात्न सजिलो होस् ।
- सिङ्ग भएको जनावरको कुर्बानी गर्नु मुस्तहब हो, तर सिङ्ग नभएको पनि गर्न पाइन्छ ।