नबी(सल्लल्लाहु अलैहि वसल्लम)ले बताउनु भयो कि अल्लाहﷻ हदीसे कुदसीमा भन्नु हुन्छ : आदमको पुत्रको हरेक काममा दस गुणा देखि सात सय गुणा सम्म पुण्य लेखिन्छ , रोजा बाहेक । यो मेरो लागि हो , जसमा देखावट हुन सक्दैन । म त्यसको बदला दिने छु र त्यसको सवाब ( बदला) र पुण्य कति होला भन्ने कुरा मलाई नै थाहा हुन्छ । फेरि भन्नु भयो ; ( रोजा ( उपवास) ढाल हो । ) र आगोबाट बच्नका लागि एवं आड र बलियो किल्ला हो । किन भने यसका कारण कामोक्षाबाट रोकिनु पर्ने र पापमा पर्नबाट बचिने हुन्छ र आगो ( नरक) मनलागी कुराले घेरिएको छ । सो जब तिमीहरूमध्ये कसैको रोजा बसेको दिन छ भने उसले फोहोर कुरा बोल्नु हुन्न; र न त विवादमा होहल्ला गर्नसक्छ, न चर्को स्वरमा कराउन हुन्छ। (यदि रमजानमा कसैले उसलाई गाली गर्यो वा लड्न लाग्यो ) भने यसो भन्नु: म ब्रत बसेको छु । (यसकारण)ऊ उसबाट रोकिन सक्छ। यदि साँच्चिकै ऊ झगडा नगरि नछाड्ने जस्तो लाग्यो भने थोरै भन्दा थोरै बल लगाएर त्यहाँबाट निस्किनुपर्छ । फेरि अल्लाहका रसूल(सल्लल्लाहु अलैहि वसल्लम)ले कसम खानु भयो र किरिया हाल्नु भयो (अल्लाहको) त्यो अस्तित्वको जसको हातमा उहाँको प्राण छ - कि रोजा(व्रत)का कारण रोजादारको मुखको बदलिएको गन्द कयामतका दिन तिमीहरूलाई कस्तूरीको वास्ना भन्दा उत्तम होला र जिक्रको मज्लिस र सभामा सिफारिस गरिएको कस्तुरीको सुगन्ध भन्दा बढी सवाब वाला होला । र रोजादारका लागि दुईवटा खुसी मिल्नेछन् जसले ऊ रमाएको हुनेछ। पहिलो - इफ्तारको समयमा , कि उसका लागि इफ्तार हलाल गरियो जसले उसको तिर्खा र भोक मेटियो । रोजा पुरा भएकोले र उसको उपासना सकिएको र उसका पालनकर्ताले सजिलो बनाइदिनु भएकोले र आगामी रोजा राख्नका लागि मद्द्त गर्नु भएकोले खुसी हुन्छ । (र दोस्रो - जब आफ्नो रब ( पालनकर्ता) सित भेट हुनेछ,) रोजाको बदला र सवाब ( प्रतिफल ) देखेर खुसी हुनेछ ।