/ Yãmb yembr fãa ka kõt sɩda, halɩ tɩ mam wa tʋg n yɩ a noanga n yɩɩd a roagdã, la a koambã la a nebã fãa gilli

Yãmb yembr fãa ka kõt sɩda, halɩ tɩ mam wa tʋg n yɩ a noanga n yɩɩd a roagdã, la a koambã la a nebã fãa gilli

Yii ɑ Anas nengẽ (Wẽnd yard be a yĩnga) ɑ yeelɑme: Nɑbiyɑɑmã yeelɑme (Wẽnd pʋʋsg la A tɩlgr be a yĩnga): «Yãmb yembr fãa ka kõt sɩda, halɩ tɩ mam wa tʋg n yɩ a noanga n yɩɩd a roagdã, la a koambã la a nebã fãa gilli».
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã (Wẽnd pʋʋsg la A tɩlgr be a yĩnga) kõta tõnd kibare, tɩ lɩslaama, a lɩɩmaoongã ka piti halɩ t'a wa yɩ Wẽnd Tẽn-tʋʋm nonglem (Wẽnd pʋʋsg la A tɩlgr be a yĩnga) n yɩɩd a ma wã la ba wã, la a biiga la a bi-pugla, la a nebã fãa gilli, la nonglem-kãngã a tũnugda Nabiyaamã tũudum la a sõngre, la a kɩɩsg basgo.

Hadeeth benefits

  1. Yaa tɩlae tɩ b yɩ Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) nonglem, la b lʋɩɩs a nonglemã bõn-naandg fãa gill nonglem taoore.
  2. Sẽn be nonglem pidb tagmas pʋgẽ: yaa Wẽnd Tẽn-tʋʋma sõngre la kẽes yõore la arzεk rẽ poorẽ.
  3. Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) nonglemã, yaa tɩ f tũ a sẽn sagl bũmb ningã, la f sɩdg-a a sẽn kõ kibar ningã, la f zãag bũmb ninga a sẽn gɩdge la a bugs n yi wã, la f pʋg-a la f bas Bid'ʿa (yel-sɩngdsã).
  4. Nabiyaamã (Wẽnd pʋʋsg la A tɩlgr be a yĩnga) hakε wã, yẽ zɩslemã la a kengr n yɩɩd nebã fãa gilli, bala a yɩɩ sabab tɩ tõnd paam kãndgr n yi menengo, la tõnd paam põsgr n yi Bugum, la d paam pʋɩɩr ne arzãnã.