/ Rao sã n rɩlg a zak rãmbã n tẽed a yel-sõmde, yẽnda yaa sãra ne-a

Rao sã n rɩlg a zak rãmbã n tẽed a yel-sõmde, yẽnda yaa sãra ne-a

Yii a ʿAbɩɩ Mas'ʿʋʋd nengẽ, (Wẽnd yard be a yĩnga), tɩ yii Nɑbiyɑɑmã nengẽ, -Wẽnd pʋʋsg la A tɩlgr be a yĩngɑ- a yeelame: «Rao sã n rɩlg a zak rãmbã n tẽed a yel-sõmde, yẽnda yaa sãra ne-a».
B zemsa taab a zugu (A Al-Bʋẖaariy la a Muslim n reeg-a)

Explanation

Nɑbiyɑɑmã (Wẽnd pʋʋsg la A tɩlgr be a yĩnga) kõta kibare, tɩ ad ned sã n rɩlg a zak rãmba, neb nins rɩlgr sẽn yaa tɩlae n zao-a wã, wala a pagã, la a roagdb a yiibã, la a biigã la zẽng sẽn ka bãmbã, tɩ yẽ sẽn maan rẽ wã yaa sẽn baood pẽnegr ne Wẽnde, -A Naam zẽkame- la a tẽed keoor Wẽnd nengẽ, bũmb ning yẽ sẽn yãkdã n yaoodã, rẽnd yẽnd tara sãra keoore.

Hadeeth benefits

  1. Yaa keoor la yel-sõmd sẽn paamde, tɩ ned sã n yãk n naf a zak rãmba.
  2. Muumin baooda a tʋʋmã pʋgẽ, yel-sõmd, la bũmb ning sẽn be Wẽnd nengẽ, sẽn yaa keoor la rolbo.
  3. Sõmbame tɩ b maan Anniy sõngo tʋʋm fãa pʋgẽ, la sẽn be tʋʋm-kãensã pʋgẽ, yaa fo sẽn wat n na n rɩlg f zak rãmba.