/ Ad fo rabdɑ neb sẽn yɑɑ Gɑf rãmb nengẽ, lɑ fo sã n tɑ b nengẽ, bɩ f bool-bɑ n tʋg kɑset mɑɑnego, tɩ soɑb sẽn nɑ n tũ n tɩlg kɑ be rẽndɑ Wẽnde, lɑ ɑ Mʋhɑmmɑd yɑɑ Wẽnd Tẽn-tʋʋmɑ

Ad fo rabdɑ neb sẽn yɑɑ Gɑf rãmb nengẽ, lɑ fo sã n tɑ b nengẽ, bɩ f bool-bɑ n tʋg kɑset mɑɑnego, tɩ soɑb sẽn nɑ n tũ n tɩlg kɑ be rẽndɑ Wẽnde, lɑ ɑ Mʋhɑmmɑd yɑɑ Wẽnd Tẽn-tʋʋmɑ

Yii a ɭbn Abaas nengẽ, Wẽnd yard be b yiibã yĩnga, a yeelame: Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ɑ yeelɑ ɑ Mu'ɑɑz ɭbn Gεbɑl, ɑ sẽn wɑ n tʋm-ɑ Yɑmɑnɑ: «Ad fo rabdɑ neb sẽn yɑɑ Gɑf rãmb nengẽ, lɑ fo sã n tɑ b nengẽ, bɩ f bool-bɑ n tʋg kɑset mɑɑnego, tɩ soɑb sẽn nɑ n tũ n tɩlg kɑ be rẽndɑ Wẽnde, lɑ ɑ Mʋhɑmmɑd yɑɑ Wẽnd Tẽn-tʋʋmɑ, tɩ b sã n sɑk n tũ rẽ, bɩ f kõ-b kibɑr tɩ Wẽnd mɑɑnɑ wɑkat ɑ nu tɩ yɑɑ tɩlɑe n rog-bɑ, yʋng lɑ wĩndg fãɑ, tɩ b sã n sɑk n tũ rẽ, bɩ f kõ-b kibɑr tɩ Wẽnd mɑɑnɑ doaɑg tɩ yɑɑ tɩlɑe n rog bãmb zugu, tɩ b reegd rɑkãɑgbẽ wã n kõt b tɑlsã, tɩ b sã n sɑk n tũ rẽndɑ, bɩ f gũus b arzεg yɩlmã reegre, lɑ f zoe b sẽn wẽg ɑ soɑb kãɑbgo, tɩ ɑd lill kɑ be ɑ kosgã ne Wẽnd sʋk ye».
B zemsa taab a zugu (A Al-Bʋẖaariy la a Muslim n reeg-a)

Explanation

Wɑkɑt ning Nɑbiyɑɑmã (Wẽnd pʋʋsg la A tɩlgr be a yĩnga) sẽn wɑ n tʋm ɑ Mʋ'ɑɑz ɩbn Gεbɑl -Wẽnd yɑrd be a yĩngɑ- t'ɑ kẽng Yɑmɑn zãmɑɑnɑ, n tʋg n bool-b n tʋg Wẽnd dĩinɑ, lɑ ɑ yɩ b kɑren-saɑmbɑ, Nɑbiyɑɑmã vẽnegɑme n wilg-ɑ t'ɑ nɑ n yekɑ neb sẽn yɑɑ Nɑsɑɑr-dãmbɑ; sẽn nɑ yɩl t'ɑ soglg b yĩngɑ, rẽ poorẽ mɑsɑ bɩ ɑ sɩng ɑ sẽn nɑ n bool-ba bũmb ning sẽn pɑk n to yɩɩdã, n yɑool n ges sẽn pʋgdã, Rẽnd ɑ boond-b lɑme n tʋg Loεεgã mɑnegre nɑnɑndɑ; tɩ b mɑɑn kɑset tɩ soɑb sẽn nɑ n tũ n tɩlg kɑ be rẽndɑ Wẽnde, lɑ ɑ Mʋhɑmmɑd yɑɑ Wẽnd Tẽn-tʋʋmɑ; bɑlɑ b kẽedɑ Lɩslɑoongã ne Gom-bi-kãngã, tɩ b sã n sɑk n tũ rẽ ɑ yet-b lɑme tɩ b pʋʋse; bɑlɑ Pʋʋsgã n yɩɩd wɑɑgib-rãmbɑ fãɑ Wẽnd-yembgã poorẽ, tɩ b sã n mɑɑn rẽ, ɑ sɑgendɑ b rɑkãɑgbã tɩ b yiis b ɑrzεkã zɑk n kõ b tɑlsã, rẽ poorẽ ɑ bugs-ɑ lɑme t'ɑ rɑ reeg b ɑrzεkã sẽn tʋg n yɑɑ sõmɑ n yɩɩdɑ ye; bɑlɑ sẽn zɑo b zugã yɑɑ tẽng-n-sʋgrã, Rẽ poorẽ t'ɑ sɑgl-ɑ t'ɑ zãag wẽgbã; sẽn nɑ yɩl tɩ b sẽn wẽg ɑ soɑbã rɑ kãɑb-ɑ ye, bɑlɑ ɑ kosgã reegdɑme

Hadeeth benefits

  1. Sɑhdã mɑɑnɑ yɑɑ yeem Wẽnd tũudumẽ wã, lɑ bɑs zẽng sẽn pɑ Yẽ tũudum.
  2. Mɑɑn kɑset t'ɑ Mʋhɑmmɑd yɑɑ Wẽnd tẽn-tʋʋmã, ɑ mɑɑnɑ, yɑɑ kõ-sɩd ne-ɑ lɑ ɑ sẽn wɑ ne bũmb ningã, lɑ ɑ sɩdgre, lɑ ɑ yɑɑ Wẽnd tẽn-tʋʋmbã bɑɑsdgɑ n tʋg bõn-nɑndsẽ wã.
  3. Wilgdɑme tɩ f sã n nɑ n gom ne bãngdɑ ne ned ning sẽn tɑrɑ gẽdem-gẽdem ɑ fɑsengẽ wã, ɑ pɑ wɑlɑ fo sẽn gomd ne zɩt ye; rẽ n kɩt tɩ Nɑbiyɑɑmã nek ɑ Mʋ'ɑɑz n yeel-ɑ: " Ad fo rabdɑ neb sẽn yɑɑ Gɑf ɑ to wã rãmbẽ".
  4. Lɩslɑɑm sõmb n tɑrɑ kibar ɑ dĩinɑ wεεngẽ; sẽn nɑ yɩl t'ɑ rɑ lʋɩ gẽdgdbã gẽdg pʋgẽ ye, lɑ rẽ yɑɑ a bɑo bãngre.
  5. Wilgdɑ Yɑhʋʋd-rãmbɑ lɑ Nɑsaar-rãmbɑ dĩinɑ sẽn yɑɑ zɑɑlmã, Tẽn-tʋʋmã -pʋʋsg lɑ tɩgr be ɑ yĩngɑ- tʋmsgã poorẽ, lɑ b pɑ neb sẽn nɑ n põse Dũni yikr rɑɑrã hɑlɩ tɩ b wɑ kẽ Lɩslɑɑngã dĩin pʋgẽ, lɑ b kõ sɩd ne Nɑbiyɑɑmã, Wẽnd pʋʋsg lɑ A tɩlgr be ɑ yĩngɑ.