/ «Ad yaa yẽ bal la koom ning sẽn tõe n tall n yɩlgã, t'a gɩf me yaa halaale

«Ad yaa yẽ bal la koom ning sẽn tõe n tall n yɩlgã, t'a gɩf me yaa halaale

Yii a Abɩɩ Hʋrayrat nengẽ (Wẽnd yard be a yĩnga) a yeelame: Raoa n sok Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) n yeele: Wẽnd Tẽn-tʋʋmã, ad tõnd kẽeda mogre la tõnd zãada koom bilfu, d sã n yõg koom ne-a ko-yũud na n yõka tõndo, rẽ yĩnga d tõeeme n yõk ne mogrã koom bɩɩ? Tɩ Wẽnd Tẽn-tʋʋmã yeele (Wẽnd pʋʋsg la A tɩlgr be a yĩngɑ): «Ad yaa yẽ bal la koom ning sẽn tõe n tall n yɩlgã, t'a gɩf me yaa halaale».

Explanation

Raoa n sok Nabiyaamã (Wẽnd pʋʋsg la A tɩlgr be a yĩngɑ) n yeele: tõnd kẽeda koglgo tɩ yaa (zĩm) yẽebo maa tolbo la sẽn wõnd rẽ, la tõnd zãada koom sẽn yaa bilfu sẽn tõe n yũ, la tõnd sã n rɩk yãwã n na n yõk koom la d so a sεtame, rẽ yĩnga sakda ne tõnd tɩ d yõg ne mogrã koom? Tɩ Nabiyaamã (Wẽnd pʋʋsg la A tɩlgr be a yĩngɑ) yeel tɩ mogrã: a koomã yaa yɩlgemde sẽn tõe n tall n yɩlge, sẽn tõe n taall n yõk koom, leb n yaa halaal tɩ b rɩ bũmb ning sẽn yit a pʋgẽ sẽn yaa zĩmã la zẽng sẽn ka rẽ, baa tɩ f sã n mik t'a kiime n rεεd koomã zugu tɩ ka ned n yõk-a ye.

Hadeeth benefits

  1. Mogrã gɩf yaa halaale, la sẽn rat ne gɩfã yaa rũng sẽn ki a pʋgẽ, sẽn yaa mogrã rũmsi, bũmb nins sẽn ka tar vɩɩm zĩis rẽnda beenẽ wã.
  2. Be a pʋgẽ soakd leokre tɩ yɩɩd sokrã, sẽn na pids yõodã.
  3. Koom noor sã n tedge, maa a noomã, maa a yũugã ne bũmb sẽn yaa yɩlgemde, a ket n bee a koomã yalε pʋgẽ, baa t'a yamsmã yaa wʋsgo maa a tʋʋlmã maa a maasmã maa sẽn wõnd rẽ.
  4. Mogrã koomã zẽkda rẽg bedrã la rẽg bãanegã la a yẽesd rẽgd ning sẽn paamd ninsaalã sẽn yaa yɩlengã, a yĩngẽ wã maa a fuugẽ wã maa zẽng sẽn ka rẽ.