/ ad fo sẽn yet bũmb ninga la f boond n tʋgdẽ wã be neere, la fo sã n da kõ tõnd kibare, tɩ tõnd sẽn da maan tʋʋm ningã tara yaafa

ad fo sẽn yet bũmb ninga la f boond n tʋgdẽ wã be neere, la fo sã n da kõ tõnd kibare, tɩ tõnd sẽn da maan tʋʋm ningã tara yaafa

Yi a ɭbn Abaas nengẽ, (Wẽnd yard be b yiibã yĩnga): Ad neb sẽn yi lagem-n-taarã rãmbẽ, b rag n yɩɩme n kʋ la b wʋsg kʋʋbã, la b yo la b wʋsg yoobã, tɩ b wa a Mʋhammad nengẽ, (Wẽnd pʋʋsg la A tɩlgr be a yĩnga), n yeele: " ad fo sẽn yet bũmb ninga la f boond n tʋgdẽ wã be neere, la fo sã n da kõ tõnd kibare, tɩ tõnd sẽn da maan tʋʋm ningã tara yaafa, d na kẽ dĩinã, tɩ Aayarã na n sigi {Bãmb la neb nins sẽn pa boond soab zẽng n lagem Wẽnde, la b pa kʋʋd yõor ning Wẽnd sẽn gɩdgã rẽndame tɩ tũu ne hakε, b leb n pa yood ye, la ned ning sẽn tʋm woto, a na n paama sɩbgre} [Al-fʋrƙaanu: 68]. La leb n sigi: {Yeele: "Mam yembs nins sẽn maan n zʋʋg b mens zugu! Ra wãag-y tẽeb ne Wẽnd yolsgã ye, ad Wẽnd yaafda zũnuubã zãnga, ad Yẽnda la yaafg Naab n yaa Yoalsda"}. [Az-zumarʋ: 53].
B zemsa taab a zugu (A Al-Bʋẖaariy la a Muslim n reeg-a)

Explanation

Raop sẽn yi kɩfr-rãmbẽ wã, n wa Nabiyaamã nengẽ (Wẽnd pʋʋsg la A tɩlgr be a yĩnga), la b ra beega wʋsgo sẽn yaa kʋʋb la yoobo, tɩ b wa yeel Nabiyaamã; ad fo sẽn boond n tʋgdẽ wã, sẽn yaa lɩslaangã la lɩslaangã sẽn sagend yεl ninsã yaa bũmb sẽn yaa sõma, la tõnd halhaal na n yɩɩ wãna ne d sẽn maan tʋʋmd ninsã sẽn yaa lagem-n-taar la zũnuub bεdã? Rẽ yĩnga yaafg be a pʋgẽ bɩɩ? Tɩ Aayae-rãmb a yiibã na n sigi, rẽnd Wẽnd reega nebã tuubgu, sẽn lagem ne b zũnuubã sẽn da yaa wʋsgo, n da yaa bedrã, la sã n rag ka A sẽn maan woto wã, b rag na n kell n duuma b lagem-n-taarã la b kedgrã pʋgẽ la b rag n ka na n kẽ dĩin-kãngã pʋgẽ ye.

Hadeeth benefits

  1. Yaa lɩslaangã yɩɩdlem la a zɩslem sẽn ta zĩig ninga la a sẽn wurd bũmb ning sẽn renga taoorã sẽn yaa zũnuub-rãmbã.
  2. Yaa Wẽnd yolsgã la A bas-tɩ-loogã la A yaafgã ne A yembsã.
  3. Yaa lagem-n-taarã la yõorã kʋʋb tɩ ka tũ ne hakε wã gɩdgre, la yoob gɩdgre, la pʋlen-wẽnga ne ned ning sẽn maana zũnuub-kãensã.
  4. Wilgdame tɩ tuubg ning sẽn yaa sɩd-sɩda, sẽn tõka ne Wẽnd yembgo la tʋʋm sõngo, a yaafd zũnuub bedr fãa gilli, halɩ n tɩ tãag kɩfẽnd ne Wẽnde, (A Naam zẽkame).
  5. Wilgdame tɩ wãag yam n yi Wẽnd yolsgã, (A Naam yɩlgame), a yaa haraame.