/ ned ning sẽn manega lɩslaoongã pʋgẽ, b ka yõkd-a ne bũmb ninga a sẽn tʋm Zɩɩlmã sasa ye, la ned ning sẽn wẽnga lɩslaoongã pʋgẽ, b yõkd-a la ne a rẽenem la a yaoolem tʋʋm fãa

ned ning sẽn manega lɩslaoongã pʋgẽ, b ka yõkd-a ne bũmb ninga a sẽn tʋm Zɩɩlmã sasa ye, la ned ning sẽn wẽnga lɩslaoongã pʋgẽ, b yõkd-a la ne a rẽenem la a yaoolem tʋʋm fãa

Yii a ɩbn Masʋʋd nengẽ, Wẽnd yard be a yĩnga, a yeelame: Tɩ ned n yeele : Wẽnd Tẽn-tʋʋma, rẽ yĩnga, Wẽnd na n yõka tõnd ne d sẽn tʋm Zɩɩlmã sasa wa bɩɩ? T’a yeele : « ned ning sẽn manega lɩslaoongã pʋgẽ, b ka yõkd-a ne bũmb ninga a sẽn tʋm Zɩɩlmã sasa ye, la ned ning sẽn wẽnga lɩslaoongã pʋgẽ, b yõkd-a la ne a rẽenem la a yaoolem tʋʋm fãa ».
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã, Wẽnd pʋʋsg la A tɩlgr be a yĩnga, vẽnegdame n wilidg lɩslaoongã pʋgẽ kõom yɩɩdlem. La tɩ ned ning sẽn kẽ lɩslaoongã t’a lɩslaoongã manege, t’a yaa pʋ-peelem soaba, n yaa sɩd soaba, b ka na n geel-a ne bũmb ninga a sẽn rag n tʋm Zɩɩlmã sasa, sẽn yaa Wẽnd kɩɩsgã ye. La ned ning sẽn wẽnga lɩslaoongã pʋgẽ, wala a sẽn na n yɩ, n yaa munaafɩka, maa a tarame n bas dĩinã, b na n geel-a lame ne a sẽn tʋm bũmb ninga, kɩfẽnda pʋgẽ, la a sẽn leb n tʋm lɩslaoongã pʋgẽ.

Hadeeth benefits

  1. Bee hadiisã pʋgẽ, sahaabsã sẽn ning b toogo, -Wẽnd yard be b yĩnga-, la b sẽn leb n yεεsdẽ ne bũmb ninga b sẽn da tʋm Zɩɩlmã sasa.
  2. Hadiisã yaa sẽn kengd tɩ nebã kell n tablg lɩslaoongã zugu.
  3. Hadiisã wiligda lɩslaoongã kõom yɩɩdlem ning sẽn be a pʋgẽ, a leb n wiligdame t’a yaafda tʋʋm ning sẽn da reng taoorã.
  4. Ned sẽn tar n yi dĩinã la munaafɩka, b na n geel-b la ne b sẽn da tʋm tɩ loog b Zɩɩlmã sasa la zunuub fãa b sẽn tʋm lɩslaoongã pʋgẽ.