/ Ad Wẽnd tõe n yaoolga wẽgdã, t'A sã n wa yõk-a a ka põsgd-A ye

Ad Wẽnd tõe n yaoolga wẽgdã, t'A sã n wa yõk-a a ka põsgd-A ye

Yii a Abuu Muusɑ nengẽ (Wẽnd yard be a yĩnga) a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeelame: «Ad Wẽnd tõe n yaoolga wẽgdã, t'A sã n wa yõk-a a ka põsgd-A ye» a yeelame: rẽ poorẽ t'a karem: «{Lɑ yɑɑ woto la f Soabã yõkrã, t'A sã n yõk tẽng tɩ b yɑɑ wẽgdba, ad fo Soabã yõkrã zabda wʋsgo} [Huud: 102]»
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã (Wẽnd pʋʋsg la A tɩlgr be a yĩnga)bugsdame tɩ ned wa tʋg n nadgd wẽgd pʋgẽ ye, la Wẽn-kɩɩsgo, la lagem-n-taare, la nebã wẽgbo b hakε-rãmbẽ wã, bala Wẽnde -A Naam zẽk yã-, a kolleda wẽgda, n wogl a yõorã la a arzεkã, n ka yãgd ne a namsgã ye, t'a sã n ka tuubi A yõkd-a lame, n ka le bas-a ye, a wẽgbã waooglem yĩnga. Rẽ poorẽ tɩ Nabiyaamã (Wẽnd pʋʋsg la A tɩlgr be a yĩnga) kareme: {Lɑ yɑɑ woto la f Soabã yõkrã, t'A sã n yõk tẽng tɩ b yɑɑ wẽgdba, ad fo Soabã yõkrã zabda wʋsgo} [Huud: 102].

Hadeeth benefits

  1. Sõmba ne yam soaba, t'a yãg n tuubi, la a ra maan bas-m-yam ne Wẽnd yõkrã ye, tɩ sã n mikame t'a bee wẽgd pʋgẽ.
  2. Naab a Wẽnd, -A Naam yɩ wagell n zẽke,- A sẽn yaoond wẽgdbã, n ka yãgd ne b yõkr la b sɩbgre, tɩ yaa belg-n-yõk ne-ba, n leb n yaa fãoob ne nanga, b zugu, tɩ b sã n ka tuubi.
  3. Wẽgdã, a bee sabab-rãmb nins Wẽnd sẽn halkd zamã-rãmbã a yĩngã.
  4. Wẽnd sã n halk tẽngã, tõe tɩ nin-sõma be a pʋgẽ, bãmb rãmba, b na n yik-b lame dũni yikr raarã, b sẽn ki bũmb ning zugã, sẽn yaa manegrã, la dũni yikr raarã b ka na n nams bãmba tɩ bala sɩbgrã ra gũb-b lame ye.