/ Yãmb sã n dag n bobend-y mensã boblg tεkẽ, A rag na rɩlg yãmb wala A sẽn rɩlgd liuuli wã, b yikda tõd beoogo tɩ b pʋsã yaa tabla n ta zaabr tɩ b pʋsã pidi

Yãmb sã n dag n bobend-y mensã boblg tεkẽ, A rag na rɩlg yãmb wala A sẽn rɩlgd liuuli wã, b yikda tõd beoogo tɩ b pʋsã yaa tabla n ta zaabr tɩ b pʋsã pidi

Yii a Ʋmar ɭbn Al-hattaab nengẽ, -Wẽnd yard be a yĩnga-, t'a wʋma Wẽnd Tẽn-tʋʋma, -Wẽnd pʋʋsg la A tɩlgr be a yĩnga- t'a yetẽ: "Yãmb sã n dag n bobend-y mensã boblg tεkẽ, A rag na rɩlg yãmb wala A sẽn rɩlgd liuuli wã, b yikda tõd beoogo tɩ b pʋsã yaa tabla n ta zaabr tɩ b pʋsã pidi".
A At-tirmiiziy la a ɭbn Maaǧa la a Ahmad n togs-a

Explanation

Nabiyaamã -Wẽnd pʋʋsg la A tɩlgr be a yĩnga- pirsda tõnd tɩ d tik Wẽnde, A Naam yɩ wagell n zẽke, laafɩ wã baoob pʋgẽ, la nangã tusb pʋgẽ, sẽn yaa dũni wã la dĩinã yεla, tɩ bala ka gɩdgde, ka namsde, leb n ka nafde, rẽnda ne Wẽnde, A Naam yɩlgame n zẽke, A Leb n sagendame tɩ d tʋm sabab nins sẽn wat ne naf-rãmba la tusd yel-namsdsã, n lagem ne tikr sɩd-sɩda ne Wẽnde, rẽnd tõnd sẽn wat n maan woto, Wẽnd na n rɩlga tõnd wala A sẽn rɩlgd liuuli sẽn yit yibeoogo tɩ yaa kom, n wa lebg zaabre tɩ b pʋsã yaa sẽn pidi, la liuuli wã yiibã woto wã a yaa sabab buudu, rɩɩbã baoob pʋgẽ, a ka bobl zaala la kʋɩɩng ye.

Hadeeth benefits

  1. A wilgda bobl-m-meng yɩɩdlem ning sẽn be a pʋgẽ wã, a leb n naaga sabab-rãmb nins sẽn yaa zɩsg n yɩɩda sẽn wat ne rɩtlã.
  2. A wilgdame tɩ bobl-m-meng ne Wẽndã, a ka kɩɩsd tɩ fo rɩk sabab-rãmbã ye, bala a kõo kibare tɩ bobl-m-meng sɩd-sɩda yibeoogã sãdb la zaabrã lebgre, n na n bao rɩtlã, b ka kɩɩsd-a ye.
  3. A wilgda sari wã sẽn ning a toaag ne sũurã tʋʋmã; bala bobl-m-meng ne Wẽndã yaa sũurã tʋʋma.
  4. Ned rɩk a meng n yaglg ne sabab-rãmbã, yaa dĩinã sẽn ka pid la rẽnda, la bas sabab-rãmbã yẽ me yaa yamã sẽn ka pidi.