/ Ned ning sẽn yeele: Laa'ɩlaaha ɭllallaah= soab sẽn na n tũ n tɩlg ka be rẽnda Wẽnde, la a kɩflg ne bũmb fãa sẽn tũudi zẽng tɩ ka Wẽnde, a arzεkã la a zɩɩmã lebga haraam ne nebã, la a geelg zaoo ne Wẽnde

Ned ning sẽn yeele: Laa'ɩlaaha ɭllallaah= soab sẽn na n tũ n tɩlg ka be rẽnda Wẽnde, la a kɩflg ne bũmb fãa sẽn tũudi zẽng tɩ ka Wẽnde, a arzεkã la a zɩɩmã lebga haraam ne nebã, la a geelg zaoo ne Wẽnde

Yii a Ṭaarɩƙ ɭbn Ʋšaym Al-ašǧa'ʿiy nengẽ (Wẽnd yard be a yĩnga) a yeelame: m wʋma Wẽnd Tẽn-tʋʋma (Wẽnd pʋʋsg la A tɩlgr be a yĩnga) t'a yetẽ: «Ned ning sẽn yeele: Laa'ɩlaaha ɭllallaah= soab sẽn na n tũ n tɩlg ka be rẽnda Wẽnde, la a kɩflg ne bũmb fãa sẽn tũudi zẽng tɩ ka Wẽnde, a arzεkã la a zɩɩmã lebga haraam ne nebã, la a geelg zaoo ne Wẽnde».
A Muslim n togs-a

Explanation

Nɑbiyɑɑmã (Wẽnd pʋʋsg la A tɩlgr be a yĩnga) kõta kibare, tɩ ned ning sẽn yeela la a maan kaset ne a zelemde, tɩ Laa'ɩlaaha ɭllallaah, rat n yeele: bũmb tũudg sɩd ka be rẽnda Wẽnde, la a kɩfl b sẽn tũud zẽng tɩ ka Wẽnde, la a zãag a meng n yi dĩin-rãmbã tɩ sã n ka lɩslaango, wakat-kãngã a arzεkã la a zɩɩmã lebga haraam ne lɩslaambã, rẽnd bũmb ka be ne tõnd sã n ka ninsaal tʋʋmã sẽn vẽnegã, rẽnd f ka tõe n reeg a arzεka, ka tõe n wɩdm a zɩɩm t'a ka lɩslaam ye, sã n ka wa n mikame t'a maana yel-beedo, maa a kʋʋ neda, tɩ yaa tɩlae tɩ b maan-a woto, n zems ne lɩslaangã bʋʋdã. La Wẽnd n na n ges a geelgã dũni yikr raare, sã n mikame t'a yaa sɩd soaba, A rond-a lame, la sã n mik tɩ yaa munaafɩka A sɩbgd-a lame.

Hadeeth benefits

  1. Yeel tɩ Laa'ɩlaaha ɭllallaah wã la f kɩflg bũmb fãa sẽn tũud tɩ ka Wẽndã, a yaa sart sẽn na paam n kẽ lɩslaanga.
  2. (Laa'ɩlaaha ɭllallaah) wã võore, yaa fo kɩflg ne bũmb fãa sẽn tũudi, zẽng tɩ ka Wẽnde, sẽn yaa rʋbse, la yaado la zẽng sẽn ka rẽ, la f welg Wẽnde, -A Naam yɩlgame- ne tũudmã.
  3. Ned ning sẽn maana Wẽn-yembgã la a tabl sãri-rãmbã, sẽn vẽnege, yaa tɩlae tɩ b yõk wẽng n bas-a, halɩ t'a wa tʋg n vẽneg zẽng sẽn ka rẽnda.
  4. Wilgda lɩslaam arzεkã la a zɩɩmã la a burkĩndã sẽn yaa haraam tɩ kãsge, rẽnda ne hakε.
  5. Dũni pʋgẽ, bʋʋd-rãmbã yaa sẽn vẽnegã, la yaoolem raarã, yaa Anniy-rãmba la toglsã la b geta.