/ B gũbgɑ Bugmã ne yõor yɑmleedo, lɑ b gũbg arzãnã ne yõor sẽn kisã

B gũbgɑ Bugmã ne yõor yɑmleedo, lɑ b gũbg arzãnã ne yõor sẽn kisã

Yii a Abɩɩ Hʋrayrat nengẽ, Wẽnd yard be a yĩnga, tɩ Wẽnd tẽn-tʋʋma, -Wẽnd pʋʋsg la A tɩlgr be a yĩngA- yeelame: «B gũbgɑ Bugmã ne yõor yɑmleedo, lɑ b gũbg arzãnã ne yõor sẽn kisã».
A Al-Bʋẖaariy n togs-a

Explanation

Nɑbiyɑɑmã vẽnegdɑme n wilgd tõndo tɩ ɑd Bugmã yɑɑ sẽn kɑrg n gũbg ne yεl nins sẽn noom yõorã, sẽn yɑɑ hɑrɑɑm-dãmbɑ mɑɑnego, mɑɑ mɑɑn-tɩ-pɑ-tɑ yεl nins sẽn yɑɑ tɩlɑe n zɑo-ɑ wã pʋgẽ; rẽnd ned ning sẽn tũneg ɑ yõorã yɑmleoog rẽ pʋgẽ ɑ sõmbɑ ne Bugum, lɑ arzãnɑ b kɑrg-ɑ lɑme n gũbg ne yεl nins yõorã sẽn kisã; wɑlɑ tɑblg ne Wẽnd sẽn sɑglã, lɑ yεl nins sẽn gɩdgã bɑsbo, lɑ mɑɑn sugr ne rẽ; rẽnd ɑ sã n gãde , n wõr ɑ yõorã, ɑ sõmbɑ ne arzãnɑ kõom.

Hadeeth benefits

  1. Sɑbɑb-rãmb sẽn kẽesd yõorã yɑmleedẽ wã, yɑɑ sʋɩtãɑn sẽn fɑɑsd yel-kiti wã lɑ yel wẽnsã, hɑlɩ tɩ yõorã wɑ ne-ɑ t'ɑ be neere, n kɩll n tʋm-ɑ.
  2. Sɑgendɑme tɩ b zãɑg yõorã yɑmleed nins sẽn gɩdgã; bɑlɑ yɑɑ yẽ lɑ sorã n tʋg Bugmã, lɑ b mɑɑn sugr ne yõorã sẽn kis yεl ninsã mɑɑnego; balɑ yɑɑ yẽ lɑ sorã n tʋg arzãnɑ.
  3. A wilgdɑ yɩɩdlem ning sẽn be nidg pãng n zɑb ne yõorã lɑ nidg pãng tũudmã pʋgẽ wã, lɑ mɑɑn sugr ne yel-toodã sẽn gũbg tũud-rãmbã.