/ Yel-kãngã na n taa zĩig fãa yʋng la wĩndg sẽn taẽ, la Wẽnd ka na n bas tẽng pʋgẽ roto, A ka na n bas gãnd zagse, rẽndame t'A kẽes-a dĩin-kãngã

Yel-kãngã na n taa zĩig fãa yʋng la wĩndg sẽn taẽ, la Wẽnd ka na n bas tẽng pʋgẽ roto, A ka na n bas gãnd zagse, rẽndame t'A kẽes-a dĩin-kãngã

Yii a Tamiim Ad-daary nengẽ, (Wẽnd yard be a yĩnga), a yeelame, Wẽnd Tẽn-tʋʋma, (Wẽnd pʋʋsg la A tɩlgr be a yĩnga) a yeelame: «Yel-kãngã na n taa zĩig fãa yʋng la wĩndg sẽn taẽ, la Wẽnd ka na n bas tẽng pʋgẽ roto, A ka na n bas gãnd zagse, rẽndame t'A kẽes-a dĩin-kãngã, ne nin-tɩrg tɩrlem, mɑɑ yaand yaalgo, tɩrlem Wẽnd sẽn na n zɩsg lɩslaamdã ne-a, la yaalgo Wẽnd sẽn na n yaal kɩfẽndã ne-a». La a Tamiim Ad-daary rag n yɩɩme n yetẽ: mam bãnga yel-kãngã m zakã rãmbẽ, ad neb nins sẽn tuubã b paama sõmblem la zɩslem la zu-zẽkre, la neb nins sẽn kell n pa kɩfẽndã pʋgẽ wã yaalg la paoogr la yãnd n paam-ba.
A Ahmad n togs-a

Explanation

Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) kõta kibare, tɩ ad dĩin-kãngã, a na n gũbga ween-n-vɩɩsã fãa, zĩig ning fãa wĩndgã la yʋngã sẽn tatẽ, dĩin-kãngã na n taa beenẽ, la Wẽnde, (A Naam zẽk yã) A ka na n bas zaka, tẽng pʋgẽ maa tẽn-bãanegẽ wã, maa we-raadẽ wã rẽndame t'A kẽes-a dĩin-kãngã, rẽnd ned ning sẽn saka dĩin-kãngã, n kõ sɩd ne-a, a na n yɩɩ zɩsg ne lɩslaamdã zɩslem, la ned ning sẽn tõdga la a kɩflg ne-a, a na n yɩɩ yaalga, b sẽn yaal a soaba, rẽ poorẽ tɩ Ṣahaabga a Tamiim Ad-daary (Wẽnd yard be a yĩnga) kõ kibare, tɩ yẽ bãnga yell ning Wẽnd Tẽn-tʋʋma, (Wẽnd pʋʋsg la A tɩlgr be a yĩnga) sẽn kõ kibarã, yẽ zakã rãmb nengẽ, rẽnd neb nins sẽn sak n tuubã b paama sõma la zugendu la zɩslem, la sẽn kɩflbã paama yaalgo, n pɑɑs yẽ sẽn kõt lɩslaambã arzεgsã, (sẽn na yɩl tɩ b gũ-a).

Hadeeth benefits

  1. Yaa kiba-noog ne lɩslaambã tɩ b dĩinã, a na n sẽega Tẽng gãngã zug fãa.
  2. Zɩslem yaa lɩslaangã la lɩslaambã n so, la yaalg yaa kɩfẽnd la kɩfr-rãmbã n so.
  3. Be a pʋgẽ sẽn yaa Nabiyaamdmã tagmas-rãmba, la bãngr sẽn be bãng-rãmbẽ wã, ne yellã sẽn yɩ wala Nabiyaamã (Wẽnd pʋʋsg lɑ A tɩlgr be ɑ yĩngɑ) sẽn kõ kibarã.